Telenor Group အကြောင်း

Aung Ko Htet (MM IT Knowledge)

Telenor Group သည် နိုင်ငံတကာတွင် တယ်လီဖုန်း၊ သတင်းအချက်အလက်၊ မီဒီယာဆက်သွယ်ရေး ၀န်ဆောင်မှုပေးနေသော လုပ်ငန်းအဖွဲ့ဖြစ်ပါသည်။ Telenor Group သည် ဥရောပ မြောက်ပိုင်း နိုင်ငံများ ၊အရှေ့နှင့်အလယ်ပိုင်း ဥရောပနိုင်ငံများနှင့် အာရှဒေသအတွင်းတွင်  မိုဘိုင်းအော်ပရေတာလုပ်ငန်း ဈေးကွက် ၁၃ ခု ရရှိထားပြီး၊ ဈေးကွက် ၁၇ခုတွင် လုပ်ကိုင်နေသော Vimpelcom Ltd. အတွင်းတွင်လဲ voting stake ၄၂.၉၅ ရာခိုင်နှုန်း (economic stake ၃၃ ရာခိုင်နှုန်း) ရှယ်ယာပိုင်ဆိုင်မှု ရှိပါသည်။ နော်ဝေးနိုင်ငံတွင် ရုံးချုပ်ရှိသော Telenor Group သည် ၂၀၁၃ခုနှစ် တတိယလေးလပတ်အထိ စုစုပေါင်း လုပ်ငန်းများအရ မိုဘိုင်းဖုန်းအသုံးပြုသူ ၁၆၆ သန်း ရှိသော ကမ္ဘာ့ထိပ်တန်း မိုဘိုင်းဖုန်း အော်ပရေတာ ဖြစ်ပြီး၊ ၂၀၁၃ ခုနှစ်၏ လုပ်ငန်းတွင်း တည်ရှိငွေ (revenues) မှာ နော်ဝေး ငွေကြေး Norwegian Kroner (NOK) ၁၀၄ ဘီလီယံရှိသည်။ စုစုပေါင်း ၀န်ထမ်း ဦးရေမှာ ၃၃၀၀၀ ခန့်ရှိသည်။ပိုမိုသိရှိလိုပါက www.telenor.com သို့ ၀င်ရောက် ကြည့်ရှု နိုင်ပါသည်။