ဒိန်းမတ်နိုင်ငံမှ မျက်လုံးဖြင့် ထိန်းချုပ်နိုင်သည့် ဖုန်းနှင့် တက်ဘလက်ဆော့ဖ်ဝဲကိုထုတ်

Aung Ko Htet (MM IT Knowledge)

ဒိန်းမတ်ကုမ္ပဏီတစ်ခုမှ မျက်လုံးဖြင့် ထိန်းချုပ်နိုင်သည့် ဆော့ဖ်ဝဲကို တက်ဘလက်နှင့် မိုဘိုင်းဖုန်းများတွင် ထည့်သွင်း အသုံးပြုနိုင်ရန်အတွက် ထုတ်လုပ်နိုင်ခဲ့ကြောင်း သတင်းရရှိသည်။

ထိုဆော့ဖ်ဝဲသည် e-Book များအား စာမျက်နှာလှန်ခိုင်းခြင်းကို မျက်လုံးဖြင့် ပြုလုပ်ခိုင်းနိုင်မည်ဖြစ်ပြီး၊ ဂိမ်းများကိုလည်း မျက်လုံးဖြင့် ကစားနိုင်မည်ဖြစ်သည်။

ထိုဆော့ဖ်ဝဲသည် မျက်လုံး၏လှုပ်ရှားမှုကို တက်ဘလက် သို့မဟုတ် မိုဘိုင်းဖုန်း မှတစ်ဆင့် အနီအောက် ရောင်ခြည်ဖြင့် အာရုံခံကာ ခိုင်းစေမှုကို တုံ့ပြန်ပေးမည်ဟု သိရသည်။ တက်ဘလက် သို့မဟုတ် မိုဘိုင်း ဖုန်းများတွင် ပါဝင်သည့်ကင်မရာများမှတစ်ဆင့်လည်း အာရုံခံကာ မြင်ကွင်းတစ်ခုလုံးကို ထိန်းချုပ်ခိုင်းစေ နိုင်မည်ဖြစ်သည်။

Eye Tribe ဟုအမည်ပေးထားသည့် ထိုဆော့ဖ်ဝဲကို Ph.D ကျောင်းသားလေးယောက်မှ တီထွင်ထားခြင်း ဖြစ်ပြီး၊ လွန်ခဲ့သည့် တစ်နှစ်ခန့်ကတည်းက စတင်လုပ် ဆောင်နေခြင်းဖြစ်ကြောင်း၊ နည်းပညာကို ဖွံ့ဖြိုး တိုးတက်စေရန်အတွက် ကူညီထောက်ပံ့ငွေအဖြစ် ဒေါ်လာ ၈ သိန်းရယူကာ လုပ်ဆောင်နေခြင်းဖြစ်ကြောင်း၊ လာမည့်နှစ်အတွင်း ထောက်ပံ့ထားသည့် ကုမ္ပဏီမှတစ်ဆင့် ဆော့ဖ်ဝဲကို အများသုံးနိုင်ရန် ဖြန့်ချိနိုင်လိမ့်မည် ဖြစ်ကြောင်း သိရသည်။

@MAUKKHA