မြန်မာနိုင်ငံမှာ ခေတ်အစားအဆုံးနဲ့ ဖွံ့ဖြိုးတိုးတက်ဆုံးအရာ

Aung Ko Htet (MM IT Knowledge)

ကျွန်တော် ဒီခေါင်းစဉ် တပ်လိုက်လို့ အမျိုးမျိုး စဉ်းစားကြမယ်ဆိုတာ သေချာသလောက်ရှိပါ တယ်။  ခေတ်အစားဆုံးဆိုတဲ့အတွက်ကြောင့် အ၀တ်အစားလား ၊ မော်ဒယ်လား၊ ဒါမှမဟုတ် သတင်းလား ဆိုပြီးတွေးကြလိမ့်မယ်။ ဖွံ့ဖြိုးတိုးတက်ဆုံးဆိုတဲ့အတွက်ကြောင့် နည်းပညာလား၊ ဆက်သွယ်ရေးလား၊ ပညာရေးလား စသည်ဖြင့် အတွေးတွေ ကိုယ်စီဖြစ်သွားကြမယ်ဆိုတာ မလွဲဧကန်ဖြစ်လိမ့်မယ်လို့ ယုံကြည်ပါတယ်။

တကယ်တော့ ကျွန်တော် ဆိုလိုချင်တဲ့အရာက ဒါတွေအားလုံးနဲ့သက်ဆိုင်ပါလိမ့်မယ်။ အဲ့ဒါဟာ ဘာလဲဆိုရင် ဝေဖန်ရေးပါ။ နေပါအုံး မင်းကရော ဒီစကားပြောရအောင် ဘယ်လောက်များ သိလို့လဲ လို့မေးကောင်းမေးနိုင်ပါတယ်။ ကျွန်တော်ပြန်ဖြေပါ့မယ်။ ဘာမှ မသိပါဘူး။ ဒါပေမဲ့ အမြင်မတော်တာလေးတော့ နည်းနည်း လေးပြောပါရစေ။

အိုကေ ဒါဆိုရင် နိုင်ငံရေးနဲ့ပဲ စလိုက်ရအောင်။ ၂၀၀၈ ခုနှစ်ကြားဖြတ်ရွေးကောက်ပွဲတုန်းက အမေစု (ဒေါ်အောင်ဆန်း စုကြည်) အင်မတန်မှ ခေတ်စားပါတယ်။ လူချစ်လူခင်လည်း ပေါများပါတယ်။ အားလုံးက လည်း သူ့အပေါ်မှာ မျှော်လင့်ထားကြပါတယ်။ နောက်ဆုံး NLD ပါတီလည်း အနိုင်ရသွားရော ထွက်လာ လိုက်တဲ့ ဝေဖန်မှုတွေက များပြားလွန်းနေပါတယ်။ ဒေါ်စုက ဘာလိုတွေဖြစ်နေတာ။ ဘာတွေ လုပ်နေ တာနဲ့ မျိုးစုံလို့ပါပဲ။ နောက်ဆုံး ပြောရရင် ကုလားနဲ့တောင်ပေးစားခံ ရအောင် ကို ဝေဖန်ခဲ့ကြ ပါ တယ်။ နောက်မိုးစက်ဝိုင် နဲ့ အခု မေမြတ်နိုးအထိပါ ဒီဝေဖန်မှုတွေဟာ ဖြစ်နေပြန်ပါတယ်။ ကုန်ကုန်ပြောရရင်တော့  Facebook ပေါ်မှာ စာသားတစ်ခု ဓါတ်ပုံတစ်ခု တင်လိုက်ပြီဆိုတာနဲ့ ဘယ်သူ့ဆီက ကူးထားတာပါ။ ဘယ်က ပုံကြီးပါကွာဆိုပြီးဝေဖန်ခံနေရတဲ့သူတွေရှိနေပါတယ်။ ဒီဝေဖန်ရေးတွေဟာ ဘယ်လောက်ထိ သက်တမ်းကြာလဲ။ ဘယ်လောက်မှ မရှိပါဘူ။ တဒင်္ဂအတွင်းမှာပဲ ပြန်ပြီးပျောက်ကွယ်သွားပါတယ်။ ဒီလို အကျိုးမရှိတဲ့ ဝေဖန်မှုမျိုးကို ဘာအတွက်လုပ်နေကြလဲ ဆိုတာတော့ စဉ်းစားရခက်ပါတယ်။

ကျွန်တော်ကတော့ လူငယ်ဆိုတော့ လက်တွေ့ကိုပဲ အရင်းတည်ပြီး ပြောချင်ပါတယ်။ ကျွန်တော် တို့ တွေဒါမျိုးတွေလုပ်မေ့အစား လူတစ်ယောက်ကို မှုဒိတာ ပွားပြီး ကိုယ့်အလုပ်ကို လုပ်ကြမယ်ဆိုရင် ကိုယ့်အတွက်လည်း တိုးတက်နိုင်သလို အများအတွက်လည်း အကျိုးရှိစေ မယ်လို့ မျှော်လင့်မိပါတယ်။ အရင်တုန်းက ကိုယ့်အလုပ်ကို မလုပ်ပဲ ဝေဖန်နေခဲ့တာတွေကို အခုမှာ ပြန်ပြင်သင့် တဲ့အချိန် ကို ရောက်နေပြီ လို့ ထင်ပါတယ်။ ကျွန်တော်တို့ တွေ အခုချိန်လောက် ကတည်းက စပြီး ပြုပြင်ပြောင်းလဲ ထားမှသာ ကျွန်တော်တို့ရဲ့ နောင်လာနောက်သား သားသမီး ညီအစ်ကို မောင်နှမများခေတ်ရောက်တဲ့ အခါမှ သာ ကိုယ့်ကိုယ်ကို ယုံကြည်မှုရှိရှိနဲ့ အောင်မြင် မှုတွေကို ပိုက်ထွေးခွင့်ရတဲ့သူတွေဖြစ်လာမှာပါ။ 

Aung Ko Htet (Myanmar IT Knowledge)