ခိုင်မာတဲ့အချစ်ရေးကို ပိုင်ဆိုင်ထားကြသော စုံတွဲ များရဲ့ အလေ့အထများ

တကယ်ကို ပျော်ရွှင်ရတဲ့ အတွဲတွေရဲ့ ပြုမူလုပ်ဆောင်မှုတွေဟာ အခြားအတွဲတွေနဲ့တော့ တူချင်မှတူပါလိမ့်မယ်။ ဒီလို ပျော်ရွင်ပြီး ခိုင်မြဲတဲ့ အချစ်ရေးကို ပိုင်ဆိုင်နိုင်ဖို့ သူတို့တွေဟာ ယုံကြည်မှုကို အခိုင်အမာ တည်ဆောက်ထားတတ်ကြပါတယ်။ တကယ်လို့သာ သင်တို့အချစ်ရေးဟာ ခုပြောပြပေမယ့် အချက်လေးတွေအတိုင်း ပြုမူလေ့ရှိနေပြီ ဆိုရင်တော့ ဂုဏ်ယူစရာကောင်းတဲ့ အတွဲတစ်တွဲလို့ ဆိုချင်ပါတယ်။

၁။တစ်ယောက်အတွက် တစ်ယောက် ရပ်တည်ပေးကြတယ်။
သင်တို့နှစ်ဦးစလုံးဟာ တစ်ယောက်နဲ့တစ်ယောက် ယုံကြည်မှုအပြည့်ရှိကြသလို တစ်ယောက်အတွက် တစ်ယောက်အမြဲအသင့်ရှိကြတယ်။ ကိုယ်ဘာလုပ်လုပ် ကိုယ့်နောက်မှာ ရပ်တည်ပေးမယ့်သူရှိတယ်ဆိုတဲ့ ခံစားချက်ဟာ တကယ်ကို ပြီးပြည့်စုံပါတယ်။ ကိုယ်တစ်ခုခုလုပ်လိုက်တိုင်း အပြစ်မမြင်ပဲ ကိုယ့်အတွက် မှားရင်ပြင်ပေးမယ် မှန်ရင် ကိုယ့်ကိုထောက်ခံအားပေးမယ်ဆိုတဲ့ ချစ်သူရထားတာ သင့်အတွက် ဘုရားပေးတဲ့ လက်ဆောင်လုိ့ မှတ်ပါ။

၂။ပြသနာတွေကို ဘယ်လိုကိုင်တွယ် ဖြေရှင်းကြရမလဲဆိုတာ သိကြတယ်။
အတွဲတိုင်း ပြသနာတက်၊ ရန်ဖြစ်တတ်ကြပါတယ်။ တစ်ယောက်က စကားကြမ်းတွေ ပြောလိုက်လို့ နာကျင်တတ်ကြတာမျိုးတွေ၊ စိတ်အခန့်မသင့်လို့ ရှေ့မဆက်ဘူးဘာညာပြောမိတာမျိုးတွေ ရှိနိုင်ပါတယ်။ ဒါပေမယ့် ဒီလိုပြသနာတက်တိုင်း၊ ကတောက်ကဆဖြစ်တိုင်း ဘယ်လိုပြေလည်အောင် ပြန်လုပ်ဆောင်ရမယ်ဆိုတာ နားလည်သလို တစ်ယောက်စိတ်ထဲ အဖုအထစ်မကျန်ခဲ့အောင် ဘယ်လိုညှိုနှိုင်းရမယ်ဆိုတာ သိထားသူတွေဟာ နောက်ဆုံးမှာ ခိုင်မြဲတဲ့အချစ်ရေးကို ရရှိသွားတတ်ကြပါတယ်။

၃။တစ်ယောက်ရဲ့သဘောထား၊ တစ်ယောက်အမြင်ကို ပြသနာမဖြစ်ပဲ ညှိုနှိုင်းတတ်ကြတယ်။
အတွဲတွေဟာ တစ်ယောက်ကြိုက်တာ၊ မကြိုက်တာ၊ တစ်ယောက်ရဲ့သဘောထားက ဘယ်လိုဆိုတာ အချိန်ကြာလာတာနဲ့အမျှ နားလည်လာတတ်ကြပါတယ်။ ဒါပေမယ့် ပြသနာတွေတက်ပြီး နားလည်အောင်လုပ်မယ့်အစား ညှိုညှိုနှိုင်းနှိုင်းလေး ပြောဆိုလိုက်တာ ပိုမကောင်းဘူးလား။
၎။အပြစ်တင်၊ဝေဖန်တာထက် အားပေးထောက်ခံတဲ့နည်းကိုသာ သုံးကြတယ်။

အဆင်ပြေ ပျော်ရွှင်ရတဲ့ ဆက်ဆံရေးဟာ တစ်ဦးနဲ့တစ်ဦး ထောက်ပံ့မှုပေးတာ၊ အားပေးတာ၊ နှစ်ယောက်သားအတူ ပြုမူလုပ်ဆောင်တာ၊ အချစ်တွေနဲ့သာ ပြည့်နေတတ်ကြတာပါ။ တစ်ယောက်တစ်ယောက် ပြုမူလုပ်ဆောင်လိုက်တဲ့ အရာကို ချစ်သောမျက်စိနဲ့ ကြည့်ပြီး အားပေးသင့်တာ အားပေးမယ်၊ ဘယ်လိုလုပ်သင့်တယ်ဆိုပြီး ကိုယ်ပါ ၀င်ရောက်လုပ်ဆောင်ပေးသင့်ပါတယ်။ အဲ့ဒီလိုမဟုတ်ပဲ ဝေဖန်မယ်၊ အပြစ်တင်တာတွေ များလာမယ်ဆိုရင်တော့ ဒီအချစ်ရေးဟာ စိတ်ပျက်ဖွယ်အတိပါပဲ။

၅။အပြောင်းအလဲတစ်ခုခု လုပ်ဆောင်ဖို့အတွက် သင့်လက်တွဲဖော် ကြိုက်မကြိုက် စိတ်ပူနေစရာ မလိုဘူး။
သင့်ကောင်းကျိုးကို လိုလားတဲ့ ချစ်သူဟာ သင်ကောင်းဖို့အတွက် အပြောင်းအလဲတွေ လုပ်ဆောင်ရာမှာ ဘယ်တော့မှ ဟန့်တားနေမှာ မဟုတ်ပါဘူး။ သူတတ်နိုင်သလောက်တောင် ပံ့ပိုးပေးဦးမှာပါ။ ဒါ့အပြင် သင့်ဆုံးဖြတ်ချက် ဘယ်လိုရှိနေပါစေ။ သင့်ကို လေးစားသောအားဖြင့် သူက အကြံဥာဏ်ပေးရုံလောက်သာ လုပ်ဆောင်ပါလိမ့်မယ်။

၆။သင်တို့နှစ်ယောက်အတူ လုပ်ဆောင်မှုတွေဟာ အမြဲတမ်း အဆင်ပြေပျော်ရွှင်နေရတတ်ပါတယ်။
ဘ၀အတွက် နှစ်ဦးသားအတူ လုပ်ဆောင်တဲ့အရာတိုင်းဟာ စိတ်ပျက်စရာမရှိပဲ အဆင်ပြေနေတတ်ပါတယ်။ တစ်ယောက်နဲ့တစ်ယောက်ရဲ့ အယူအဆကလည်း အတူတူဖြစ်နေတာမို့ အတင်းလိုက်ညှိုနေစရာလည်း မလိုတာမျိုးပေါ့။ ဒါ့အပြင် တစ်ယောက်ကြောင့် တစ်ယောက်ရဲ့ အရည်အချင်းတွေ မြင့်တက်နေတာမျိုးလည်း တွေ့လာရပါလိမ့်မယ်။

၇။တစ်ယောက်ရဲ့ privacy ကို တစ်ယောက်နားလည်ပြီး ယုံကြည်မှုအပြည့်ရှိကြတယ်။
ခိုင်မာတဲ့အချစ်ရေးကို ပိုင်ဆိုင်ထားသူတွေဟာ တစ်ယောက်ဖုန်းကို တစ်ယောက်စစ်တာ၊ တစ်ယောက် အီးမေးလ် တစ်ယောက်ဖွင့်စစ်တာ၊ မျက်လုံးအောက်က အပျောက်မခံပဲ မျက်စိဒေါက်တောက်လိုက်ကြည့်နေတာမျိုးတွေ မလုပ်တတ်ကြပါဘူး။ အဲ့ဒီအစား ငါ့ချစ်သူ ဘာတွေများ လုပ်ချင်နေသလဲ၊ သူ့ကိုငါ ခွင့်ပြုပေးလိုက်မယ် ဆိုတာမျိုးတာ တွေးတတ်ကြတာပါ။ ဒီလိုသာဆို တစ်ဖက်ကလည်း ကိုယ်သူ့ကို ဆက်ဆံသလိုပဲ ဆက်ဆံလာမှာပါ။ တစ်ခုတော့ ရှိတာပေါ့။ ကိုယ့်ဘက်က ယုံကြည်ပေးထားတာကို တစ်ဖက်က အလွဲသုံးစား မလုပ်ဖို့ပါပဲ။

Trend.com.mm

Ref:yourtango.com

Please Like Our Facebook Here

Thank You !
Aung Ko Htet