မြန်မာပြည် အိုင်တီလောကမှာ Coworking space ခေတ်ထတဲ့ခေတ်

လွန်ခဲ့တဲ့ ၃နှစ် လောက်ကစလို့ အလုပ်အတူ လုပ်စရာ နေရာ Coworking space ဆိုတာ မြန်မာပြည်မှာ အတော်လေး ခေတ်စားလာပါတယ်။ အိုင်တီလုပ်ငန်းတွေ ဖွံ့ဖြိုးတိုးတက်လာလို့ ဖြစ်ပါတယ်။ အဓိကကတော့ ရန်ကုန်မှာ ခေတ်စားခြင်းပါ။ အိုင်တီ စီးပွားရေး လုပ်ငန်း စတင်လုပ်ကိုင်လိုသူများအတွက် ယနေ့တိုင် ကြုံတွေ့ရတဲ့ အခက်အခဲဟာ အခန်းခ ဈေးကြီးခြင်း ဖြစ်ပါတယ်။ 

အိုင်တီစီးပွားရေး တစ်ခုစတင်တဲ့အခါ စတင်သူ အများစုက အခန်းခနဲ့ အင်တာနက် လောက်ပဲ ခေါင်းထဲရောက်ပါတယ်။ အမှန်တော့ သူ့မှာ အခြား ကုန်ကျစရိတ်တွေ များစွာ ရှိပါသေးတယ်။ ရုံးသုံး စားပွဲ၊ ပရင်တာ၊ ရေ၊ မီး စတာတွေနဲ့ စပြီးတော့ အခြား များစွာ ကုန်ကျအုံးမှာ ဖြစ်ပါတယ်။ ယင်း ကုန်ကျမှုတွေကို ပေါင်းလိုက်ရင် အခန်းကို အသက်သာဆုံး တစ်လ ၃ သိန်းတက်ပဲ ယူပါစေအုံး လစဉ် အနည်းဆုံး ၆ သိန်း၊ ၇ သိန်းကတော့ ကုန်ပါအုံးမယ်။ ဒါတောင် အင်တာနက် လိုင်းကောင်းကောင်းယူရင် သူ့အတွက် ထပ်ကုန်မှာက ရှိပါအုံးမယ်။ ADSL, Fibre အစရှိတဲ့ အင်တာနက်တွေ ဆိုတာကလည်း လူတိုင်းလွယ်တကူ လျှောက်လို့ ရတဲ့ ဟာတွေ မဟုတ်သလို ကုန်ကျစရိတ်ကလည်း အင်မတန်များပါတယ်။ အများစုက လစဉ်ကုန်ကျစရိတ်သာ မြင်ပြီး သူ့ကို set up လုပ်တဲ့ cost ကို မမြင်ပါဘူး။ ဒါကြောင့်မို့ ဒါတွေကို ခေါင်းမစားချင်တဲ့ နိုင်ငံခြားကုမ္ဗဏီ များက ကုမ္ဗဏီ စတင်တဲ့ အချိန်ကာလမှာ Coworking space မှာနေထိုင်ပြီး

 ဝန်ထမ်းအင်အား များလာတဲ့အခါမှ အခန်းကောင်းကောင်းကို ရွေးချယ်ကြ ပါတယ်။ 

ရန်ကုန်မှာ အလုပ်အတူလုပ် coworking space အတော်လေးများနေပါပြီ။ မြို့ထဲမှာတင် အနည်းဆုံး ၁၀ လောက်ကို ကျနော် သိထားပါတယ်။ MAC Tower, ကုန်သည်လမ်းထောင့်မှာတင် နှစ်ခုရှိပြီး တစ်ခုက ဖန်တီးရာ (www.phandeeyar.org) ဖြစ်ပြီး တစ်ခုက Keier Group ဖြစ်ပါတယ်။ နောက်တစ်ခုက လမ်း ၃၀ ပတ်ဝန်းကျင် အလယ်ဘလောက်မှာ ရှိတဲ့ OfficeHub, Office365 အစရှိသဖြင့်တို့လည်း ရှိပါသေးတယ်။ Thingangyun မှာလည်း Officecubed (www.officecubed.co/) အပြင် အခြားသော Office များစွာလည်း ရှိပါသေးတယ်။ နည်းပညာ ကုမ္ဗဏီ အများစုကတော့ Developer Lab,http://devlabyangon.org/ ကိုလည်း recommend ပေးကြပါသေးတယ်။ 

coworking space မှာတောင်မှ ဈေးသက်သာ Office space နဲ့ ဈေးကြီး Office space ဆိုပြီးတော့ ကွဲပါသေးတယ်။ Dev Lab, Phandeeyar အစရှိသဖြင့်တို့ဟာ ဈေးအင်မတန် သက်သာ နေရာများ ဖြစ်ပြီး တစ်လကို ၃ သောင်း ဝန်းကျင်နဲ့ ရနိုင်ပါတယ်။ အခြားများကတော့ အနည်းဆုံး တစ်လ ၁ သိန်းကနေ စလို့ ကုန်ကျတဲ့ နေရာများ ရှိပါတယ်။ ဒါပေမယ့် အင်တာနက် နဲ့ အခြားသော အထောက်အပံ့များကတော့ ပြောစရာမရှိအောင် ပြည့်စုံကောင်းမွန် ပါတယ်။ ဈေးသက်သာတာနဲ့ ဈေးကြီးတာနဲ့ ကွာခြားတာ ကတော့ အဲ့ဒီလို ရရှိခံစားခွင့်များနဲ့လည်း ဆိုင်ပါလိမ့်မယ်။ 

သူတို့က လုပ်ငန်းတစ်ခုကို အများဆုံး ၁ နှစ်၊ ၂ နှစ်ထပ် ပိုမထားပါဘူး။ အဲ့ထက်ကြာရင် ကုမ္ဗဏီဟာ အောင်မြင်တိုးတက်ပြီလို့ ယူဆပြီး ကိုယ်ပိုင် အခန်းရှာစေ၊ ငှားစေပါတယ်။ အဲ့ဒီအခါကျရင်တော့ အခန်းကို ရှာရပြန်တာ ပေါ့။ အဲ့လိုကျရင်တော့ အခန်းကောင်းကောင်း ရှာနိုင်မယ်လို့ ယုံကြည်ပါတယ်။www.imyanmarhouse.com တို့လို ဝဘ်ဆိုဒ်မှာ တိုက်ခန်း၊ ကွန်ဒို၊ နဲ့ လုံးချင်း အိမ်များကို ရှာကြည့်နိုင်ပါတယ်။ လုံးချင်းကိုမှ ကြိုက်ပါတယ်ဆိုတာကတော့ ကုမ္ဗဏီကြီးတွေ များပါတယ်။ company သေး, startup ဆိုရင် တိုက်ခန်း၊ ကွန်ဒို ငယ်တို့လောက်နဲ့ အဆင်ပြေ ပါတယ်။ 

 Aung Ko Htet , Aung Kham  

Please Like Our Facebook Here

Thank You !
Aung Ko Htet