Samsung ၏ Galaxy S5 ဖုန်းတွင် နည်းပညာ သစ်များနှင့် Function အသစ်များ ထပ်မံ တိုးမြှင့်ထားဟုဆို

Aung Ko Htet (MM IT Knowledge)


မတ်လ ၂၈ ရက်တွင် Samsung မှ ၎င်းတို့၏ ထုတ်ကုန်အသစ် တစ်ခုဖြစ်သော Samsung Galaxy S5 ဖုန်းအား မိတ်ဆက်ပြသခဲ့ပြီး ယင်းမိတ်ဆက်ပွဲ၌ Galaxy S5 တွင် အသစ်ထည့်သွင်း ပေါင်းစပ် ထားသော နည်းပညာအသစ်များ၊ ဖုန်းတွင်းအသုံးပြု Function အသစ်များအား ပြသခဲ့ပြီး အဆိုပါဖုန်းတွင် နည်းပညာအသစ်များနှင့် ဖုန်းတွင်းအသုံးပြု Function စနစ်အသစ်များအား ထပ်မံတိုးမြှင့်ထားကြောင်း ပြောပြခဲ့သည်။



Samsung မှအသစ်ထွက်လာသည့် Galaxy S5 အား အသုံးပြုသူများအတွက် စနစ် ၅ ခုဖြင့် ဦးတည်ချက်ထားကာ ပြုလုပ်ပေးထားကြောင်း ရှင်းလင်းပြောပြခဲ့သည်။ အဆိုပါ စနစ်များမှာ ဖုန်းအသုံးပြုသူများအတွက် စတိုင်လ်ကျ သေသပ်လှပစေရန်အတွက် ဖုန်း၏ဖွဲ့စည်းမှု ပုံစံဒီဇိုင်းပိုင်း Style, အသုံးပြုသူများအတွက် ပျော်ရွှင်မှုရစေရန်အတွက် FUN စနစ်၊ S5 အသုံးပြုသူများရဲ့ ကျန်းမာရေးအတွက် Fit စနစ်၊ အင်တာနက် အသုံးပြုခြင်းများအတွက် မြန်နှုန်း Speed နှင့် အသုံးပြုသူများ၏ ဒေတာအချက်အလက်များ လုံခြုံရေးစနစ်၊ ဖုန်းကိုထိခိုက်ခြင်းများအား ကာကွယ်ပေးနိုင်ခြင်း Life အစရှိသည့် အချက် ၅ ချက်ဖြင့် ဖြည့်ဆည်းပြုလုပ် ပေးထားကြောင်း ရှင်းလင်းပြောကြားခဲ့သည်။



Galaxy S5 တွင်နည်းပညာ အသစ်များအနေဖြင့် ကင်မရာစနစ် ပိုင်းတွင် အလင်းအမှောင်များအား အလိုအလျောက်ချိန်ညှိကာ ရိုက်ကူးပေးနိုင်မည့် HDR စနစ်၊ မိမိလိုချင်သော ဝတ္ထုတစ်ခုအား Focus ဖြတ်ထားကာ ကျန်သည့်နောက်ခံ Background များအား Blur လုပ်ကာဝါးထားနိုင်မည့် Selective Focus စနစ်၊ အမြန်ဆုံး Focus စနစ်တစ်ခုဖြစ်သော 0.3 စက္ကန့်မြန်နှုန်းမြင့် Auto Focus စနစ် အစရှိသော ကင်မရာနည်းပညာ အသစ်များထပ်မံ ဖြည့်စွက်ထားကြောင်း သိရသည်။



ထို့ပြင်အင်တာနက် အသုံးပြုသူများအတွက် စိတ်ကျေနပ်စေမည့် မြန်နှုန်းမြင့် နည်းပညာသစ် WiFi စနစ်ဖြစ်သည့် Latest 5th Generation WiFi (MIMO) စနစ်ထည့်သွင်း ပေးထားခြင်းကြောင့် လက်ရှိအသုံးပြုလျက်ရှိသော Wi-Fi မြန်နှုန်းများထက် S5 တွင် Speed၂ဆ ပိုမိုရရှိနိုင်မည်ဖြစ်ကြောင်း ပြောပြခဲ့သည်။



S5 အသုံးပြုသူများအတွက် ပြုလုပ်ပေးထားသော အချက် ၅ ချက်အနက်မှ တစ်ခုဖြစ်သည့် Life စနစ်အတွက်လည်း လုံခြုံရေးစနစ်တစ်ခုဖြစ်သည့် Fingerprint စနစ်ကိုလည်း S5 တွင်စတင်ထည့်သွင်းပြု လုပ်ထားကြောင်း သိရသည်။ အဆိုပါ Fingerprint စနစ်ဖြင့် Customer များ၏ဒေတာအချက် အလက်များအား လုံခြုံစွာသိမ်းထား နိုင်မည်ဖြစ်သည့်အပြင် Fingerprint စနစ်ဖြင့် တွဲဖက်အသုံးပြုနိုင်မည့် Private Mode စနစ်များလည်း တိုးမြှင့်ပါဝင်လာမည် ဖြစ်သည်။ Private Mode စနစ်တွင် မိမိ၏ဒေတာ အချက်အလက်များအား သိမ်းဆည်းထားကာ Fingerprint စနစ်ဖြင့် Lock လုပ် သိမ်းဆည်းထားနိုင်မည်ဖြစ်ပြီး ကလေးသူငယ်များအတွက် အလွယ်တကူနှင့် လုံခြုံစွာအသုံးပြုနိုင်မည့် Kid Mode စနစ်ကိုလည်း Private Mode စနစ်များနှင့်အတူ တွဲဖက်ထည့်သွင်း ပေးထားကြောင်း ရှင်းလင်းပြောပြခဲ့သည်။



Customer များ၏ကျန်းမာရေးအတွက် Galaxy S4 တွင်စတင် မိတ်ဆက်ခဲ့သော S  HEALTH စနစ်ကိုလည်း S5 တွင်ပိုမို အဆင့်မြှင့်တင် ပေးထားပြီးနည်း ပညာအသစ်အနေဖြင့် Heart Rate Sensor စနစ်အားထည့်သွင်း ပေးထားကြောင်း သိရသည်။ အဆိုပါ Heart Rate Sensor စနစ်အား Back Camera ၏အောက်ဘက်တွင် ထည့်သွင်းပေးထားပြီး ယင်း Sensor ပေါ်တွင်အသုံးပြုသူ၏ လက်ချောင်းအား ၁၀ စက္ကန့်ခန့် တင်ထားလိုက်ရုံဖြင့် နှလုံးခုန်နှုန်းအား တွက်ချက်ပေးနိုင်မည် ဖြစ်ကြောင်းသိရသည်။ ယင်း S HEALTH စနစ်တွင် နေ့စဉ်ကျန်းမာရေး မှတ်တမ်းများကိုလည်း မှတ်သားထားနိုင်မည် ဖြစ်ပြီးနေ့စဉ်အလိုက် ပြန်လည်ကြည့်ရှု စစ်ဆေးနိုင်မည်ဖြစ်သည်။ ဘက်ထရီစနစ်အတွက်လည်း Power Saving Mode စနစ်အားအဆင့်မြှင့်တင် ပေးထားပြီးပုံမှန် ပါဝင်နေကျ Power Saving Mode စနစ်မျိုးမဟုတ်ဘဲ Ultra Power Saving Mode သို့အဆင့်တိုးမြှင့် ပေးထားကြောင်း ပြောပြခဲ့သည်။ S5 တွင်ယင်းကဲ့သို့ စနစ်အသစ်များ၊ နည်းပညာသစ်များအပြင် နောက်ထပ်စနစ် တစ်ခုကတော့ ရေစိုခံခြင်းစနစ်ကိုလည်း ထပ်မံဖြည့်စွက်ပေးထားကြောင်း သိရသည်။ ရေစိုခံခြင်းအဆင့်တွင် IP67 Certificate ရရှိထားပြီး ရေစိုခံခြင်းအဆင့်တွင် ရေအောက်တစ်မီတာ (၃ပေ) ခန့်အနက်မှာ နာရီဝက်လောက်ထိ ရေစိမ်ခံနိုင်မည်ဖြစ်ကြောင်း သိရသည်။



Galaxy S5 ဖုန်းများအား ပရီအော်ဒါများဖြင့် စတင်ရောင်းချ ပေးသွားမည်ဖြစ်ပြီး ပရီအော်ဒါများအား ဧပြီ ၁ ရက်မှ ၉ ရက်ထိစတင် လက်ခံပေးသွားမည် ဖြစ်ကြောင်းသိရသည်။ ပရီအော်ဒါ မှာယူသူများ အနေဖြင့် ဧပြီ ၁၁ ရက်နေ့တွင် ပြုလုပ်မည့် Galaxy S5 Music Festival တွက်လက်မှတ်များ ရရှိနိုင်မည်ဖြစ်ပြီး အော်ဒါမှာယူထားသူများအနေဖြင့် ကျပ် ၁ သိန်းအားစရံအဖြစ် ပေးထားရမည်ဖြစ်ကြောင်း သိရသည်။ ဈေးနှုန်းအနေဖြင့် ကျပ် ၆၄၅,၀၀၀ ဝန်းကျင်ဖြင့် သတ်မှတ်ထားပြီး ပရီအော်ဒါမှာ ယူထားသူများအား ဧပြီ ၂၁ ရက်နေ့တွင် စတင်ရောင်းချပေးသွားမည် ဖြစ်ကြောင်းသိရသည်။ စတင်ရောင်းချချိန်တွင် ပရီအော်ဒါသမားများအား ဦးစားပေးကာ ရောင်းချပေးသွားမည်ဖြစ်ပြီး သီးသန့်ဝယ်ယူလို သူများအား အဆိုပါရက်များ နောက်ပိုင်းမှသာ ရောင်းချပေးသွားမည် ဖြစ်ကြောင်း သိရသည်။

ref: Internet Journal