မြန်မာပြည်က စူပါကားများ

 Aung Ko Htet (MM IT Knowledge)

လူဦးရေ သန်း (၆၀) ကျော်နေထိုင်ကြတဲ့ ကျွန်တော်တို့ မြန်မာပြည်တွင်းမှာ ပုံမှန်ကားဈေးကွက်တွေအနေဖြင့် ဂျပန်ကားဈေးကွက်၊ ဥရောပကားဈေးကွက် စတဲ့ ကားရောင်းဝယ်ဖောက်ကားမှုတွေကို သာမန်ရိုးကျအနေဖြင့် တွေ့မြင်နိုင်ပြီး ထိုထဲမှာမှ တစ်ပတ်ရစ်ကားဈေးကွက်ကို ပိုမို ဦးစားပေး ၀ယ်ယူကြတာကို တွေ့ရမှာ ဖြစ်ပါတယ်။ တစ်ချို့ တစ်ပတ်ရစ်နဲ့ ဈေးသိပ်မကွာလောက်တဲ့ တရုတ်ကားနဲ့ ကိုးရီးယားကားတွေကိုသာ အသစ် ဘရန်တွေ အနေနဲ့ ၀ယ်ယူကြတာကို တွေ့ရပါမယ်။ 

တကယ် ၀ယ်ယူနေကြတဲ့ တပတ်ရစ်ကားတွေကို ပိုမို ရွေးချယ် ရခြင်းရဲ့ ရည်ရွယ်ချက် က ဘာများပါလဲ ?  တစ်ခြား အာရှတွင် နိုင်ငံတွေနဲ့စာလျှင် ကျွန်တော်တို့မှာ တကယ် စူပါကားတွေ ဇိမ်ခံကားတွေက လက်ချိုးရေလို့ ရအောင် အရေအတွက် တစ်ခုမှာ ရှိနေပါတယ်။ ဒါပေမဲ့ ပြည်တွင်းမှာတွင်ပဲ Lamborghini, Bugatti Veyron, Lexus LFA စတဲ့ ဘရန်ကားတွေ အပြင် တစ်ခြား နာမည်ကြီးကားများစွာကို တွေ့ရမှာ ဖြစ်ပါတယ်။  Lamborghini ကတော့ အီတလီစပေါ့စ်ကားတွေကို ထုတ်လုပ်နေတဲ့ ကမ္ဘာ့နာမည်ကျော် ဘရန်တစ်ခု ဖြစ်တာကို စာဖတ်သူ သိပြီး ဖြစ်မယ် ထင်ပါတယ်။

Lamborghini ဟာဆိုလိုရှိရင် ကမ္ဘာ့ ဈေးအကြီးဆုံး ကားဖြစ်တဲ့ စပေါ့စ်ကား Veneno Roadster ကို ထုတ်လုပ်ခဲ့တဲ့ အီတလီကား ကုမ္ပဏီ တစ်ခု ဖြစ်ပြီး ထို Veneno Roadster ဆိုလျှင် ယူရို ၃.၃ မီလီယံ ကျသင့်ပြီး  တစ်နာရီကို  ၂၂၁ မိုင် ပြေးနိုင်တဲ့ စူပါကား ဖြစ်ပါတယ်။ ထို Lamborghini က ၂၀၁၄ ထိထုတ်နေတဲ့ ဈေးနှုန်း $397,500 ကနေစထားတဲ့  Aventador ရဲ့ အရင်ဗားရှင်း ဖြစ်တဲ့ Lamborghini Murcielago ကားကို ပြည်တွင်းမှာ တွေ့ရမှာ ဖြစ်ပါတယ်။ 

Lamborghini Murcielago  Roaster

Lamborghini Murcielago  Roaster တွေဟာ ၂၀၁၀ ခုနှစ်မှာ ၁၈ စီးပဲ ထုတ်ခဲ့ပါတယ်။  အပေါ်ပုံထဲက Lamborghini Murcielago  Roaster ဟာ ၂၀၁၀ ထိသာ နောက်ဆုံး ထုတ်တဲ့ကားတွေ ဖြစ်ပြီး ပြည်တွင်းက ကားတွေက ဘယ်ခုနှစ်ထုတ်လဲ ဆိုတာ မသေချာပေမဲ့  တစ်ပတ်ရစ်ကားတွေထဲမှာ အနည်းဆုံး သိန်း ၁၅၀၀ နီးပါးရှိတဲ့ ကားတွေ ဖြစ်ပါတယ်။

Bugatti Veyron Linea Vincero

Bugatti အော်တို မိုဘိုင်းဟာ ပြင်သစ်ဇိမ်ခံကား အမြင့်စားတွေကို ထုတ်လုပ်လျက်ရှိတဲ့ ကုမ္ပဏီ တစ်ခု ဖြစ်ပါတယ်။  ဗောက်စ်ဝဂွန်  အုပ်စုရဲ့ လက်အောက်မှာလည်း တည်ရှိပါတယ်။

အထက်ပုံမှာ တွေ့ရတဲ့ Bugatti Veyron Linea Vincero ဟာ အင်ဂျင် ၈၀၀၀ စီစီနီးပါးရှိ စူပါ စပေါ့စ်ကား မျိုးနွယ်ဝင် Bugatti Veyron ရဲ့ အမျိုးအစားတစ်မျိုး ဖြစ်ပြီး စစထွက်ခြင်း ဘရန်နယူးကားကိုပဲ ယူရို ၂ သန်း နီးပါးမှာ ရှိပါတယ်။

 ဒါကြောင့်မို့  Bugatti Veyron တွေဟာ ကမ္ဘာ့ ဈေးအမြင့်ဆုံး စူပါကားတွေထဲမှာ ပါဝင်ပါတယ်။ မြင်းကောင်ရေအား ၁၀၀၀ ကျော်ရှိပြီး  ၂.၄၆ စက္ကန့် အတွင်းမှာ ကီလိုမီတာ ၁၀၀ ကျော်ကို မောင်းနှင်နိုင်တဲ့ စွမ်းရည်ရှိပါတယ်။ အမြင့်ဆုံး မောင်းနှင် နှုန်းကတော့ 400km/h ဖြစ်ပါတယ်။ 

Lexus LFA

လပ်ဆပ်ကားတွေဟာ တိုယိုတာ မော်တော် အုပ်စုရဲ့ ဇိမ်ခံကားတွေကို ထုတ်လုပ်နေတဲ့ သီးသန့် ဘရန်တစ်ခု ဖြစ်ပါတယ်။ အထက်ပါ ပုံထဲက ပြည်တွင်းမှာ တွေ့ကြရတဲ့ Lexus LFA ကတော့ လပ်ဆပ်ကနေ ထုတ်ထားတဲ့ နှစ်ယောက်စီး စူပါကား ဖြစ်ပါတယ်။ ဌင်း Lexus LFA တွင် V 10 အင်ဂျင် အစိတ်အပိုင်း အသစ်တစ်ရပ်ကို တွေ့ရမှာ ဖြစ်ပြီး အင်ဂျင် ၄၈၀၀ စီစီ ရှိကားတွေ ဖြစ်ပါတယ်။ ပေါ့ပါးအောင်လို့ ကာဗွန်ဖိုင်ဘာ သားတွေကို ကိုယ်ထည်မှာ သုံးထားပါတယ်။  

 ထို ကာဗွန်ဖိုင်ဘာသားတွေကို Lexus LFA ကိုယ်ထည်ရဲ့ ဖွဲ့စည်းမှု တစ်ရပ် အနေနဲ့ ၆၅ ရာခိုင်နှုန်းမှာ သုံးထားပါတယ်။ အခြေခံ ဈေး အောက်ထစ် အနေနဲ့ ဒေါ်လာ ၃၇၅,၀၀၀ ရှိမှာ ဖြစ်ပါတယ်။ ၂၀၁၂ ခုနှစ် မော်ဒယ် အတွက် အောက်ထစ်ဈေးကတော့ ဒေါ်လာ ၄၄၅,၀၀၀ ရှိပါတယ်။  ဒါဟာ ထုတ်လုပ်သမျှ ဂျပန်ကားတွေထဲမှာ ဈေးအကြီးဆုံးကားဈေးနှုန်း တစ်ရပ် ဖြစ်ပါတယ်။ ၂၀၁၂ ခုနှစ်ထဲမှာ ထုတ်လုပ်မှု ပြီးဆုံးမှု တစ်ရပ် အနေနဲ့ အစီးရေ ၅၀၀ ကိုသာ ထုတ်လုပ်ခဲ့ပါတယ်။

အောင်ဟိန်း

 

Min OKe Kar(ဘီလူးကျွန်းသားလေး)

အားလုံးပဲ မင်္ဂလာပါခင်ဗျာ..............
ကျွန်တော်လည်း ပို့စ်တွေမတင်ရတာ
နည်းနည်းကြာသွားပြီိဗျာ......
ရွာရောက်နေလို့ လိုင်းမကောင်းတာနဲ့
မတင်ဖြစ်တာပါ  အခုလည်း အင်တာနက်ဆိုင်
ရောက်တုန်း တင်ဖြစ်တာပါဗျ.....
စာမေးပွဲဖြေပြီးရင်တော့ ကျွန်တော်လည်း
post တွေ ပုံမှန်ပြန်တင်ဖြစ်မှာပါဗျ.
ကျွန်တော်တင်သမျှ post တွေကို offline
reader အနေနဲ့ ဖတ်ချင်ပါက အောက်မှာ
apk ကိုဒေါင်းဖို့ လင့်ပေးထားပါတယ်ခင်ဗျာ..

 http://www53.zippyshare.com/v/42604296/file.html

 http://www.solidfiles.com/d/3375eb0e08

အဆင်ပြေပါစေ.........................
Min Oke Kar (ဘီလူးကျွန်းသားလေး)


ကျွန်တော့်တို့ တင်သမျှပို့စ်နဲ့ ဆွေးနွေးဝေဖန်အကြံပြုလိုသူများရှိရင် Facebook မှာ Group ထောင်ထားပါတယ်ခင်ဗျာ..........

Group Name  >>> Min Oke Kar(ဘီလူးကျွန်းသားလေး)

 https://www.facebook.com/groups/820150101390744/

Facebook မှာ မိမိနဲ့ပါတ်သက်တဲ့ သတင်းအချက်အလက်တွေအမှန်ရေးသင့် မရေးသင့်ဘူးလား ???

Aung Ko Htet (MM IT Knowledge)

မြန်မာနိုင်ငံမှာ Facebook အသုံးပြုသူ လူဦးရေပေါင်း ၁.၆ သန်းကျော်ရှိပါတယ်။ အဲ့လို အသုံးပြုနေတဲ့ လူတွေအားလုံးမှာ တစ်ချို့က ကိုယ့်ရဲ့ Profile ကို အမှန်ရေးကြသလို တစ်ချို့ကလည်း အမှန်မရေးကြဘဲ နောက်ပြောင်ရုံ သက်သက်ရေးကြတာကို တွေ့ရပါတယ်။ ဒီ Status မှာ အဲ့လို Profile နဲ့ပါတ်သတ်ပြီး သတင်းအချက်အလက် တစ်ချို့ အမှန်ရေးသင့်သလား မရေးသင့်ဘူးလားဆိုတဲ့ အချက်တွေကို ပြောပြပေးချင်ပါတယ်။

ဒါဆို Facebook စတင်အသုံးပြုသူတွေဟာ Facebook account စတင်ရပြီဆိုတာနဲ့ Profile ကိုစတင်ဖြည့်ရပါတယ်။ ဒါပေမဲ့ ဒါတွေက အရေးမကြီးဘူးဆိုပြီး မဖြည့်ကြတာလဲ ရှိသလို တစ်ချို့ကလည်း နောက်ပြောင်တဲ့ စလုံးတွေနဲ့ ဖြည့်ကြတာများပါတယ်။ ဥပမာ - Work ဆိုတဲ့ နေရာမှာ ၁၀၉ ၊ ၁၁၀ ဆိုပြီး ဖြည့်ထားကြတာတွေ ရှိသလို  Work at Facebook ဆိုပြီးဖြည့်ထားကြတာတွေရှိပါတယ်။ အိုကေ ဒါဆိုရင် အမှန်ပဲ ဖြည့်မှ ရမှာလား ? ကိုယ့်ဘာသာကိုယ်ဖြည့်ထားတော့ရောဘာဖြစ်လဲ လို့မေးလာနိုင်ပါတယ်။

ကျွန်တော်တို့ Facebook ဆိုတာ Social Network ပါ။ Social Network ဆိုမှတော့ လူအများနဲ့ ဆက်ဆံရမှာပေါ့။ အဲ့ဒီလိုဆက်ဆံတဲ့အခါမှာ ကိုယ်နဲ့ရင်းနှီးတဲ့ လူတွေ ရှိ်သလို ကိုယ်နဲ့မရင်းနှီးတဲ့ လူတွေ ရှိလာနိုင်ပါတယ်။ တစ်ချို့ ၀န်ထမ်းရှာဖွေနေကြတဲ့ company ပိုင်ရှင်တွေရှိပါတယ်။ သူတို့ဟာ သူတို့ company မှာ လုပ်ကိုင်ကြမဲ့ ၀န်ထမ်းတွေရဲ့ Profile ကို online မှာ ရှာကြပါတယ်။ ဒါကတော့ ကျွန်တော်ထင်ပါတယ် နိုင်ငံခြား company တော်တော်များများပဲဖြစ်ကြမှာ သေချာပါတယ်။ မြန်မာနိုင်ငံက company တော်တော်များများကတော့ သူတို့ဆီကို CV Form ရောက်လာမှသာ ဈေးနှုန်းသက်သက်သာသာနဲ့များများခိုင်းလို့ရမဲ့ ၀န်ထမ်းမျိုးကိုသာ ရွေးချယ်ကြပါတယ်။

နိုင်ငံတကာမှာတော့ သူတို့ရဲ့အရည်အချင်းတွေကို အသေးစိတ်ကအစ Blog တွေ နဲ့ social media website တွေမှာ တင်ထားကြပါတယ်။ အလုပ်ခေါ်ချင်တဲ့ company ဟာ သူ့ရဲ့ အရည်ချင်းနဲ့ Skill တွေကို အွန်လိုင်းကနေ ကြည့်ပြီး အရင်စဉ်းစားကြတယ်။ ပြီးတော့မှ သူ့ရဲ့ Skill တွေကို အင်တာဗျူးကြည့်ပြီး အလုပ်ခန့်တာကိုတွေ့ရပါတယ်။

ဒါကတော့ နိုင်ငံခြားလေငါတို့က အခု မြန်မာနိုင်ငံမှာ နေနေကြတာ ဘာဆိုင်လို့လဲ ?  မဆိုင်ဘူးဆိုပြီးတော့ လည်းပြောလို့မရပါဘူး။ 2015 မှာ မြန်မာနိုင်ငံဟာ အာစီယံ ဥက္ကဌ အဖြစ် လက်ခံရတော့မှာဖြစ်ပါတယ်။ အဲ့လိုအချိန်မှာ နိုင်ငံခြား ရင်းနှီးမြှပ်နှံမှု company တွေလည်း များစွာ ၀င်ရောက်လာတော့မှာဖြစ်ပါတယ်။ အဲ့လိုအချိန်မျိုးမှာ  company ရဲ့ လိုအပ်တဲ့ ရာထူးတွေအတွက် Online ကနေ ရော Offline ကနေပါ ရှာနိုင်ပါတယ်။ အဲ့ဒီအချိန်မှာ အွန်လိုင်းမှာ မိမိတို့ Skill တွေကို company ရဲ့ လုပ်ငန်းရှင်အနေနဲ့ လွယ်လွယ်မတွေ့သွားနိုင်ဘူးဆိုရင်တော့ ခက်ခဲစွာနဲ့ပဲ အလုပ်ကို offline လိုက်လျှောက်ရဖို့ ရှိနိုင်ပါတယ်။

နောက်တစ်ချက် တစ်ကမ္ဘာလုံးကို လုပ်ငန်းရှင်အများစု အသုံးပြုကြပြီး အလုပ်တွေခေါ်နေတဲ့ Website လည်းရှိပါတယ်။ ကျွန်တော်သိတာကတော့ အဲ့ဒါက Linked.in ပါ။ အဲ့ဒီမှာကိုယ့်ရဲ့ Skill တွေ၊ ကိုယ့်ရဲ့ အလုပ်အကိုင် အပြောင်းအရွှေ့တွေအကြောင်းကို စုံစုံလင်လင် ဖော်ပြခွင့်ပြုထားပါတယ်။ အဲ့ဒီကနေ အလုပ်ရသွားတဲ့ လူတွေရှိသလို အဲ့ဒီကနေ အလုပ်ရှာနေတဲ့ လုပ်ငန်းရှင်တွေလည်းရှိပါတယ်။ ဒါပေမဲ့ မိမိဘက်ကလိုအပ်ချက်ကတော့ အဲ့ဒီ Skill တွေအတိုင်း ကိုယ့်မှာ အမှန်တကယ်ရှိနေဖို့လိုအပ်ပါတယ်။ အဲ့လိုမှ မဟုတ်ရင်တော့  မလိုလားအပ်တဲ့ ကြံ့ကြာမှုတွေဖြစ်လာနိုင်ပါတယ်။

အေးဟုတ်ပါပြီ တစ်ချို့ မသမာသူတွေအတွက် ငါတို့ရဲ့ Privacy တွေကရော အဲ့လို တင်ထားတော့ သိကုန်မှာပေါ့။ ဒါကတော့ ကိုယ်မသိစေချင်တဲ့ Privacy အချက်တွေဆိုရင် ကန့်သတ်ထားလို့ ရနိုင်တာမို့ လုံလုံခြုံခြုံအသုံးပြုလို့နိုင်ပါတယ်။
ဒါဆိုရင် ကိုယ့်ရဲ့ Profile ကို အမှန်ရေးသင့်တယ်မရေးသင့်ဘူးဆိုတာကိုတော့ နားလည်း သဘောပေါက်လောက်ပြီလို ထင်ပါတယ်။

Online ကို အသုံးပြုပြီး မိမိဘ၀အတွက် အကျိုးကျေးဇူးတွေ အများကြီးရပါစေလို့ ဆန္ဒပြုရင်း..

ဆေးစွမ်းထက်စေသည့် ဂါထာတော်

Aung Ko Htet (MM IT Knowledge)
 
အဘ မနေ့က အဆင်ပြေရဲ့လား?
ပေးသာ ပေးလိုက်ရတယ်၊ ဝက်ဆီဖတ်စားပြီး သွေးတိုး၊ ခေါင်းမူးနေရင် ခက်ရချည်ရဲ့လို့ တွေးပူနေတယ်။

အဘ-သွေးတိုးရောဂါ မရှိပါဘူး၊ အခု (၇၆)နှစ်ရှိပြီ၊ သွားနိုင်လာနိုင်တုန်းပဲ၊ ဘာရောဂါမှ မရှိဘူး၊

ဆေးစွမ်းကောင်းတွေ ရှိတယ် ထင်ပါရဲ့၊
ဆေးက ဆေးဆိုင်မှာ သူသူငါငါ ရောင်းဝယ်နေကြတဲ့ တိုင်းရင်းဆေးတွေပါပဲ၊ စားသောက်ပြီးလို့ တခုခု ခံစားရရင် ဘာကြောင့်လဲဆိုတာ အဖြေရှာတယ်၊ ဆးဝါးတွေ မှီဝဲတယ်၊ နောက်တစ်ကြိမ်မှာ ဒီလိုဖြစ်တတ်တဲ့ အစားအစာကို သတိထား၊ လျှော့စားတယ်၊ ဝမ်းအချင့်ပေါ့၊ သာမန်ဆေးဝါးကို ကိုယ်တိုင် ဆေးချက်ကလေး ပေါင်းဖြည့်လိုက်တာပါပဲ။

လှူပါဦးဗျာ-အခြားသူတွေလဲ သုံးစွဲနိုင်အောင်

အနိစ္စာ ဝတ သင်္ခါရာ၊ ဥပ္ပါဒ ဝယ ဓမ္မိနော။
ဥပ္ပဇ္ဇိတွာ နိရုဇ္ဈန္တိ၊ တေသံ ဝူပသမော သုခေါ။

အနက်---
သင်္ခါရာ-ရုပ်နာမ်ဓမ္မ သင်္ခါရတို့သည်၊
အနိစ္စာ ဝတ-အမြဲမရှိကုန်စွာ တကား၊
ဥပ္ပါဒ ဝယ ဓမ္မိနော-ဖြစ်ခြင်း ပျက်ခြင်း သဘောရှိကုန်၏၊
ဥပ္ပဇ္ဇိတွာ-ဖြစ်ပြီး၍၊
နိရုဇ္ဈန္တိ-ချုပ်ကြကုန်၏၊
တေသံ-ထိုသင်္ခါရတရားတို့၏၊
ဝူပသမော-ချုပ်ငြိမ်းခြင်းသည်၊ (ဝါ) ချုပ်ငြိမ်းရာမှန် ပြည်နိဗ္ဗာန်သည်၊
သုခေါ-ချမ်းသာလှပေ၏။

ဘုရားရှင် ပရိနိဗ္ဗာန်ပြုပြီး သိကြားမင်း ပူဇော်တဲ့ဂါထာတဲ့၊ ဆေးဝါးသောက်သုံးရာမှာ ဒီဂါထာ (၇)အုပ်စုပ်ပြီးမှ သောက်သုံးရင် ဆေးစွမ်းပိုထက်တယ်လို့ မိခင်ကြီး ဒေါ်အေးသင် ပြောပြဖူးတယ်။ ဦးကြီးတစ်ယောက် လေဖြတ်ပြီး စိတ်ဓာတ်ကျနေချိန်မှာ ဘဘ သွားပြီး ပြုစုပေးတယ်၊ သုံးလအတွင်း ကောင်းကောင်း လှုပ်ရှားသွားလာနိုင်တာမို့ ဆေးဆရာတွေကတောင် အံ့သြကြတယ်။

ဟိုခေတ်တုန်းကတော့ ကျားဘမ်းပရုတ်ဆီပေါ့ကွာ၊ ခန္ဓာကိုယ်အနံ့ လိမ်းပေး နှိပ်နယ်ပေးတဲ့အချိန်မှာ ဒီဂါထာကို မပြတ် ရွတ်ဆိုပူဇော်တယ်။ နံနက်တစ်ခါ၊ ညတစ်ခါ ဒီအတိုင်းပဲ ပြုစုတယ်။ တခြား ဆေးဝါး မပါဘူး။
ကိုယ်တိုင် မှီဝဲရင်လဲ ဒီဂါထာကို အနည်းဆုံး (၇)ခေါက် ရွတ်ပြီးမှ မှီဝဲသလို သူတစ်ပါးကို ဆေးလိမ်း၊ ဆေးတိုက်
ပြုစုရတဲ့အခါလဲ ဒီဂါထာကို မပြတ်ရွတ်ပွားပူဇော်တယ်။ သာမန်ထက် ပိုပြီး ထိရောက်ပါတယ်။

ခရီးသည်တစ်ဦး
(နက္ခတ္တ ၂၀၀၆-၃)

ပြတိုက်ထဲကပြတိုက်

Aung Ko Htet (MM IT Knowledge)

ဘရာဇီးဘောလုံးအသင်းမှာ ခြေစစ်ပွဲကိုအောင်နိုင်ခဲ့သော်လည်း ရှေ့အလားအလာမှာသိပ်မသေချာတော့၊အထည်ကြီးပျက်လိုဖြစ်နေ၏
ထိပ်တန်းဘောလုံး အကျော်အမော်တွေအများကြီးရှိသော်လည်းတစ်ယောက်နှင့်တစ်ယောက်အတွဲမမိဘဲ ဖြစ်နေရ၏ ဒံပေါက်ရယ်၊ဖာလူဒါရယ်၊
စတုမဓုရယ်ရောစားရသလို အီလည်လည်ကြီးဖြစ်နေရ၏။အသင်းအောင်မြင်မှု ပြန်ရဖို့အမျိုးမျိုးစဉ်းစားရာမှ ထူးခြားသောအကြံအစည်တစ်ခုကို
စိတ်ကူးမိကြသည်။နှစ်ဆယ်ရာစု၏အကောင်းဆုံး ဂန္တ၀င်ဘောလုံးသမားကြီး ပီလီကို ဘရာဇီးအသင်းမှာပြန်လည် ပါဝင်ကစားခိုင်းဖို့ ပင်ဖြစ်ပေသည်။
အမေရိကန်နှင့် မဟာမိတ်များသည် အာဖဂန်စစ်ပွဲမှာ အနိုင်ရပြီးအောင်ပွဲ ခံခဲ့ကြသည်။သို့သော် လွတ်လွတ်ကျွတ်ကျွတ် ၀မ်းမသာနိုင်၊
ထီပေါက်ပြီး လက်မှတ်အသိမ်းလွန်နေတဲ့လူလို မချင့်မရဲဖြစ်နေရသည်။အကြမ်းဖက်သမား ခေါင်းဆောင်တွေကိုမမိသေး။ ဘယ်ဆီရောက်နေမှန်းလည်း
မသိ။ သူတို့ကို ဖမ်းမိတဲ့ တိုင်အောင် အကြမ်းဖက်ဝါဒကို အမြစ်ပြတ်အောင် ချေမှုန်းနိုင်ပြီဟု ကြွေးကြော်နိုင်မည် မဟုတ်သေး။
သူတို့သည်စစ်ပွဲကိုဆင်နွှဲရာတွင်ခေတ်အမီဆုံးအဆန်းသစ်ဆုံးနောက်ဆုံးပေါ်လက်နက်တွေထုတ်သုံးခဲ့ကြသည်။
ကြဲချခဲ့သည့် ဗုံးတန်ချိန်ပေါင်းကလည်း မနည်းမနောပဲ။ ရန်သူစစ်သည်အားလုံးတို့၏ ကိုယ်အလေးချိန်စုစုပေါင်းထက်တောင် ပိုများနေမလားမသိ။
သို့ရာတွင် မှန်းချက်မကိုက်သေး။
သူတို့သုံးစွဲခဲ့သည့် ဆက်သွယ်ရေးစနစ်တွေကလည်း အံ့မခန်းပဲ။ စစ်မြေပြင်မှာ ရောက်နေသော စစ်သားတစ်ယောက်က အမေရိကန်မှာ ကျန်ခဲ့တဲ့
ရည်းစားဆီ ဂြိုလ်တုကတစ်ဆင့် ဖုန်းလှမ်းခေါ်လို့ရလောက်အထိ အဆင့်မြင့် သည်။ သို့ရာတွင် သူတို့အလိုရှိသော ရန်သူခေါင်းဆောင်ကိုတော့ ခြေရာ
တောင်တွေ့အောင်မရှာနိုင်။
သူတို့၏လက်ရွေးစင် ကွန်မန်ဒိုတပ်သားများမှာ လူစွမ်းကောင်းများဖြစ်၏ ခေတ်မီဆက်သွယ်ရေး ကိရိယာများ၊အစွမ်းထက်ဆုံး လက်နက်များ ကိုင်
ဆောင်ထားကြသည်။ အထူး လေ့ကျင့်ထားသူများလည်းဖြစ်သည်။သို့တို့၏ တိုက်ခိုက်ရေးစွမ်းရည်က လည်း သူတို့ဘက်က တစ်ယောက်ကျလျှင် ရန်သူ
ဘက်က အယောက်နှစ်ရာကျ အောင် ချေမှုန်းနိုင်သည်။ အဲ...တစ်ခုရှိတာက သင်္ချာအသဘောအရ အချိုးချကြည့်လျှင် ရန်သူ့ဘက်က လူနှစ်ရာသေသည့်
အခါတိုင်း ကိုယ့်ဘက်ကလည်း တစ်ယောက်သေပေးရမည့် အနေအထားဖြစ်သည်။ ထိုအခါရိန်းဂျားတပ်သားတို့သည် ရန်သူနှစ်ရာပြည့်အောင် မသတ်ကြတော့။
တစ်ရာကိုးဆယ့်ကိုးယောက်သတ်ပြီးတာနဲ့ဆက်မတိုက်တော့ဘဲ ပြန်လှည့်လာကြတော့သည်။
ဒီလိုနဲ့ပဲ အကြမ်းဖက်သမားတွေကို အပြီးပြတ် ချေမှုန်းပစ်ဖို့ အခက်အခဲ တွေ့နေရသည်။ တစ်ကယ်တမ်း အရေးကြီးသည့် တိုက်ပွဲကလည် တောထဲ
တောင်ထဲမှာ သူသေကိုယ်သေ ရင်ဆိုင်ရမည့် သဘောဖြစ်၏ မိုက်မိုက်ကန်းကန်း တိုက်ရဲသည့် လူမျိုးမှဖြစ်မည်။ ထို့ကြောင့် အထူးတပ်ဖွဲ့တစ်ဖွဲ့ကို ဖွဲ့စည်း
ရသည်။ ထိုတပ်ဖွဲ့ထဲတွင် မွန်ဂိုလေးသည်တော်များ၊ဂျပန်ဆာမူရိုင်းများ ၊ထရိုဂျင်စစ်သည်တော်များ ပါဝင်ပြီး စစ်သူကြီး ဟန်နီဘောက ကွပ်ကဲအုပ်ချုပ်သည်။
အကြမ်းဖက်သမားတွေဆိုတာက တောကြိုအုံကြားမှာသာ ရှိနိုင်တာမဟုတ် ၊မြို့ကြီးပြကြီးတွေမှာလည်း
ခိုအောင်းနေတတ်သည်။ဒါတင်မက၊တခြားဒုစရိုက်သမားတွေလည်းရှိသေးသည်။သူခိုး၊ဓားပြ၊လူသတ်သမားတွေ၊မူးယစ်ဆေးဝါး မှောင်ခိုတွေ၊လူလိမ်လူ
ကောက်တွေ။
ခုချိန်မှာခေတ်မီထောက်လှမ်းရေးကိရိယာတွေသုံးနေပြီဖြစ်သောကြောင့်သူတို့ကိုလွယ်လွယ်ဖမ်းနိုင်မည်
ထင်ကြသည်။သို့ရာတွင် ဒီလိုမဟုတ်။ သူတို့ကလည်း ခေတ်မီကိရိယာတွေသုံးပြီး ကိုယ်ရောင်ဖျောက်နိုင်နေကြပြန်သည်။ပြီးတော့ လူဆိုးတွေဆိုတာက
လည်း ဟိုအရင်ကလို အရုပ်ဆိုးဆိုး။လူမိုက်ဂိုက်မျိုးမဟုတ်တော့။သာမန်သူလိုငါလိုမျိုးပင် ဖြစ်၏။လူကောင်းတွေကြားထဲ ရောနှောနေလိုက်လျှင် အလွယ်တကူ
ရှာမတွေ့နိုင်တော့။ပြီးတော့ သူတို့တွေက အရင်ကထက် ဥာဏ်ရည်ဥာဏ်သွေးလည်း ပိုမြင့်လာသည်။
ဒီကြားထဲမှာ လူတွေက အက်ဖ်ဘီအိုင်တို့၊စီအိုင်အေတို့ကို သိပ်အထင်မကြီးကြတော့။စက်တင်ဘာအကြမ်းဖက်မှုကို ကြိုတင်မတားဆီးနိုင်ရကောင်း
လားဟု အပြစ်တင်ချင်သလိုရှိ၏။ ဒါကို အခွင့်ကောင်း
ယူပြီးဒုစရိုက်သမားတွေက ခေါင်းထောင်ချင်လာသည်။
ခုခေတ်စုံထောက်တွေက ခေတ်မီပစ္စည်းကိရိယာတွေ အားကိုးလွန်းသည်။ ကိုယ်ပိုင် ဦးနှောက်ကို သိပ်အသုံးမချချင်ကြတော့။လက်ရှိအခြေအနေမှာ
လူဆိုးတွေနှင့် ယှဉ်ပြိုင်နိုင်ဖို့ဆိုတာ အထောက်အကူ ကိရိယာတွေနှင့်မလုံလောက်တော့။ သူတင်ကိုယ်တင် ဥာဏ်ကစားနိုင်မှ ဖြစ်တော့မည်။
ထို့ကြောင့် ဦးနှောက်စွမ်းအားကြီးသော ပုဂ္ဂိုလ်တစ်ယောက်ကို ရှာရတော့မည်။ ထိုတာဝန်မှာ ဗြိတိသျှဝန်ကြီး
ချုပ် တိုနီဘလဲ၏ခေါင်းပေါ်သို့ ပုံကျလာသည်။ သူသည် လန်ဒန်မြို့ဘေကာလမ်း၊ အိမ်အမှတ်' ၂၂၁ ဘီ' သို့သွား
သည်။ အခန်းတစ်ခန်းရှေ့တွင် ရပ်သည်။ အခန်းတံခါးပိတ်ထား၏ တခြား အိမ်ခန်းတွေလို လူခေါ်ခေါင်းလောင်းတို့
အင်တာကွန်းတို့တပ်မထား၊ထို့ ကြောင့် တံခါးကိုလက်နဲ့ပဲ ခေါက်လိုက်ရသည်။ထိုအခါ အခန်းထဲမှ လှမ်းအော်ပြောလိုက်သောအသံကိုကြားရ၏
"တိုနီဘလဲလားဟေ့၊၀င်ခဲ့လေကွယ်" တိုနီဘလဲသည် အလွန်အံသြသွားရ၏။အခန်းထဲရောက်သောအခါ ဆေး
တံကြီးခဲလျက် ထိုင်နေသာ ပုဂ္ဂိုလ်ကြီးကို သူက မေးလိုက်သည်။
"ကြိုတင်အကြောင်းကြားထားတာလည်း မဟုတ်ဘဲနဲ့ တံခါးခေါက်တာ ကျွန်တော်မှန်း ဘယ်လိုသိတာလဲ"
"လွယ်ပါတယ်၊တံခါးကိုခေါက်တဲ့အခါ သူများလို ရိုးရိုးမခေါက်ဘဲ မြင်းခွာသံလို အပြွှတ်လိုက်ခေါက်တတ်တာ မင်းရယ်
အမေရိကန်သမ္မတ ဘုရ်ှရယ် နှစ်ယောက်ပဲရှိတယ်။ အခု သမ္မတ ဘုရ်ှက တရုတ်ပြည်သွားနေတယ်ဆိုတော့ တံခါးလာခေါက်တဲ့သူဟာ မင်းပဲဖြစ်ရမယ်ဆိုတာ
တပ်အပ်သိတာပေါ့ကွယ်"
တိုနီဘလဲမှာ ထိုပုဂ္ဂိုလ်ကြီးကို တလေးတစားလက်ဆွဲ နှုတ်ဆက်လိုက်ပြီးနောက်...
"တော်ပါပေရဲ့ ခင်ဗျာ ၊တော်ပါပေရဲ့၊ ဒါကြောင့်လည်း စုံထောက်ကြီး ရှားလော့ဟုမ်းရယ် လို့ ကျော်ကြားပေတာကိုး"
ဟုပြောလိုက်လေ၏။
မိုက်ခရိုဆော့ဖ် ကုမ္ပဏီသူဌေး ဘီလ်ဂိတ်သည် ကွန်ပြူတာ ဆော့ဖ်ဝဲတွေ တစ်ခုပြီးတစ်ခု တီထွင် ထုတ်လုပ်
နေသည် အရင်ထုတ်လုပ်ခဲ့သော ၀င်းဒိုးစီးရီးတင်မကတော့ ဘဲ စီလင်စီးရီး၊ပေါ်တီကို စီးရီး၊ တွိုင်းလက်စီးရီးတွေပါ
ထပ်ထွင်လိုက်သည်။
ကွန်ပြူတာမှာ တီဗီတို့ဗီစီဒီ တို့ပါ တွဲပါသည်။ တီဗီဂိမ်းကစားနိုင်သည်။ဒါတွေက အသေးအဖွဲ၊ဟိုအရင်ကတည်းက အဆင့်မြင့်စက်တွေမှာ
ပါပြီးသား၊ ကွန်ပြူတာနှင့် တယ်လီဖုန်းတွဲပေးထားသည်။ မော်နီတာပေါ်တွင် တစ်ဖက်လူ ၏မျက်နှာပါမြင်ရသည်။ ဒါလည်း သိပ်အထူးအဆန်းတော့မဟုတ်ပေ။
ကီးဘုတ်မပါဘဲ အသံနှင့် စေခိုင်းလို့ရသော ကွန်ပြူတာ ၊ ကမ္ဘာပေါ်ရှိ ရုပ်ရှင်ရုံ အားလုံးနှင့် ဆက်သွယ်ထားပြီး ပြနေတဲ့ ဇာတ်ကား
တွေထဲက ကြိုက်ရာ ကို အိမ်ကကြည့်နိုင်သော ကွန်ပြူတာ စသည်ဖြင့် ထပ်ထွင်သည်။
ဒါတွေက သိပ်ပြသနာမဟုတ်သေး။ သူထွင် ကိုယ်ထွင် ပြိုင်ကြတာ ဓမ္မတာပဲ။ ဒီနေရာမှာ ဘီလ်ဂိတ်က ကွန်ပြူတာနယ်ပယ်မှာသာမကဘဲ
တခြားလုပ်ငန်းတွေကိုပါ နယ်ချဲ့လာသည်။မိုက်ခရိုဆော့ဖ် ကတ်ဆက်၊မိုက်ခရိုဆော့ဖ် ကင်မရာ၊မိုက်ခရိုဆော့ဖ် ရေခဲသေတ္တာ၊မိုက်ခရိုဆော့ဖ်
လေအေးပေးစက်သည်ဖြင့်...။
ဒါတွင်မကသေး၊အရသာ မျိုးစုံကို ခံစားစေနိုင်သော ဆော့ဖ်ဝဲတစ်ခုကို ထပ်မံတီထွင်လိုက်ပြန်၏။ကွန်ပြူတာနှင့်ချိတ်ဆက်သည့် ၀ိုင်ယာလက်စ်
မောက်စ်အသေးစားလေးကို ပါးစပ်ထဲငုံထားလိုက်ရုံပင်ဖြစ်၏ ဆေးလိပ်သောက်ချင်သလား ခလုပ်နှိပ်ရုံဖြင့် ပါးစပ်ထဲက မောက်စ်ကလေးက လျှာပေါ်ကို
ဆေးလိပ်၏ ခံစားမှုကို ရအောင် လှုံ့ဆော်ပေးလိမ့်မည်။ထို့အတူ လက်ဖက်ရည် ၊ကော်ဖီ၊ ရေခဲမုန့်၊သစ်သီးစသော အရသာမျိုးစုံကို ခံစားစေရမည်။
ရှေ့ဆက်ပြီး သုတေသန လုပ်နေတာကတော့ ကွန်ပြူတာနှင့် လူသားတို့လက်ထပ်နိုင်သည့် နည်းပညာ
ပင်ဖြစ်၏။ ထိုကိစ္စကိ်ု အပျိုကြီးလူပျိုကြီးများက အလွန်စိတ်ဝင်စားဖွယ် စောင့်မျှော်နေကြသည်။
ဒီအတိုင်းဆိုလျှင် သိပ်မလွယ် နည်းပညာလောကတစ်ခုလုံးသူ့လက်သူ့ခြေ ဖြစ်တော့မည်။ နေရာတကာ မှာ သူချည်း လွှမ်းမိုးလာတော့မည်။
ထို့ကြောင့် ပြိုင်ဘက်အုပ်စုတွေ ပေါင်းစည်း ပြီး ဘီလ်ဂိတ် နှင့် မိုက်ခရိုဆော့ဖ် ကို အန်တုဘက်ပြိုင်ဖို့စဉ်းစားရတော့သည်။ ဘီဂိတ်ကလည်း နှယ်နှယ်ရရမဟုတ်။
တော်ရုံ တန်ရုံလူက သူ့ကိုမယှဉ်နိုင်
နောက်ဆုံးတော့ လူတစ်ယောက်ကို ရှာတွေ့ကြသည်။ ထိုပုဂ္ဂိုလ်ကြီးကို ပြိုင်ဘက် ကုမ္ပဏီအုပ်စု၏ ဥက္ကဌအဖြစ်တင်
မြှောက်လိုက်ကြသည်။
ထိုသူကား ပိုက်သာဂိုးရပ်စ်ပင် ဖြစ်လေ၏။
ယူရီဂလင်းသည် အာကာသယာဉ်မှူးတစ်ဦးဖြစ်၏။ သူသည် မကြာခင် ရက်ပိုင်းအတွင်းမှာပင် လပေါ်သို့အာကသယာဉ်ဖြင့် ခရီးတစ်ခေါက်ထွက်စရာရှိနေသည်။
သူ့တာဝန်ကတော့ လပေါ်မှာ နေရောင်ခြည် စွမ်းအင်သုံး အလိုအလျောက် ဓာတ်ခွဲခန်းငယ်တစ်ခုကို သွားရောက်တည်ဆောက်ပေးရမည်ဖြစ်၏။
ထိုခရီးစဉ်အတွက် လေ့ကျင့်မှုတွေ အပြည့်အ၀ ပြုလုပ်ခဲ့ပြီး ဆောင်ရွက်ရမည့် ကိစ္စတွေ အတွက်လည်း
အသေးစိတ်လေ့လာ ပြင်ဆင်ခဲ့ပြီးပြီ။ ကျမ်းမာရေးစစ်ဆေးခဲ့ရာမှလည် ကြံ့ခိုင် သန်စွမ်းမှု အပြည့်အ၀ရှိကြောင်း သိရပြီးပြီ။အာကာသယာဉ်ကို သယ်ဆောင်သွားမည့်
ဒုံးပျံနှင့် လဆင်းယာဉ်တို့သည်လည်း အပြစ်အနာအဆာမရှိ၊
အားလုံးပုံမှန်အလုပ်လုပ်နိုင်ကြောင်း စစ်ဆေးပြီးပြီး။သူနှင့်တကွ အတူလိုက်ပါကြမည့် အာကာသယာဉ်မှူးအားလုံးလည်း အစစအရာရာအဆင့်သင့်ဖြစ်နေကြပြီ။ဒီခရီးစဉ်သည်
ရာနှုန်းပြည့်အောင်မြင် လိမ့်မည်ဟု သိပ္ပံပညာရှင်များက ယုံကြည်နေကြသည်။
သို့ရာတွင် ဒီခရီးစဉ်အပေါ် သံသယမကင်းဖြစ်နေသူက ယူရီဂလင်း၏ဇနီးပင်ဖြစ်၏။ ခုတလော အိပ်မက်တွေသိပ်မကောင်းလှ။မနေ့ညက
အိပ်မက်ထဲတွင် လငပုတ်ဖမ်းပုံကို မြင်မက်ခဲ့သည်။ အတတ်နိမိတ်တွေကလည်း ပြပြနေသည်။ အိမ်မှာ ပစ္စည်းအကျိုးအပဲ့ အကွဲအရှများသည်။မောတော်ကားပျက်သည်။
ဒီတစ်ခေါက်သူ့ယောက်ျား ခရီးထွက်ရမည့် ကိစ္စနှင့်ပတ်သက်ပြီးစိုးရိမ်းမကင်းဖြစ်နေမိ၏။
ထို့ကြောင့် နက္ခတ္တဗေဒဆရာကြီး နော်စထရာဒေမတ်စ်ထံ သွားပြီး သူ့ယောက်ျား၏ ဇာတာကိုစစ်ဆေးခိုင်းသည်ဒ ဆရာကြီးက
သူ၏ လက်စွဲဝေဒကျမ်းနှင့် တိုက်ဆိုင်ညှိနှိုင်းပြီးနောက်' အိမ်း...ဇာတာရှင်ရဲ့မွေးနာမ်ဂြိုလ်က ဗျာရအိမ်ထဲကျနေတဲ့အတွက် အနှောက်အယှက်တွေရှိနေမယ် အဲဒါကြောင့်
ယတြာတစ်ခုလုပ်ရမယ့်။
"ဟုတ်ကဲ့လုပ်ပါမယ် ဘာလုပ်ရမည်ဆိုတာပြောပါ။"
"အင်း လုပ်မယ့်ပစ္စည်းက အတော်ရှားပါးတယ်။ လွယ်လွယ်ကူရှာလို့ရမှာတော့ မဟုတ်ဘူး။ အဲလို ခဲခဲယဉ်းယဉ်းရှာရတဲ့ပစ္စည်းမှ အစွမ်းထက်မှာကိုး"
"ဟုတ်ကဲ့ ဘာပစ္စည်းလည်းဆိုတာသာ ပြောပါ ဘယ်လောက်ခက်ခက်ရှာပါ့မယ်။"
"တခြားတော့မဟုတ်ပါဘူးကွယ်။ ကြော်ငြာလုံးဝမပါတဲ့ ဂျာနယ်တစ်စောင်ကို ရအောင်ရှာရမှာကွယ့်"
အမျိုးသမီး၏ မျက်နှာပေါ်မှာ စိတ်ဓာတ်ကျသွားပုံကို အထင်းသားမြင်လိုက်ရသည်။
မော်ဒန်စာပေသမားများကို ဆုံးမရန်ဆိုသောရည်ရွယ်ချက်ဖြင့် ဂန္တ၀င်စာပေသမားများသည် အင်္ဂလန်နိုင်ငံရှိ
'စထရက်ဖို့ဒ်အွန်အဗွန်' သို့စုဝေးရောက်ရှိနေကြသည်။ ဒီနေရာကိုရွေးရတာက အကြာင်းရှိ၏။ 'စထရက်ဖို့ဒ် တွင်
ကမ္ဘာကျော် ဂန္တ၀င်စာရေးဆရာကြီး ရှိတ်စပီးယား နေထိုင်သောကြောင့်ဖြစ်သည်။
ရှိတ်စပီးယားဆိုလျှင်တော့ မော်ဒန်ကောင်တွေကို ကောင်းကောင်းပညာပေးနိုင်လမ့်မည်ဟုယူဆကြသည်။
ထို့ကြောင့် သူ့ကို လာရှာကြခြင်းဖြစ်၏။ သို့ရာတွင် ရှိတ်စပီးယားသည် ဂန္တ၀င်နှင့် မော်ဒန် နားလည်မှု စာချွန်လွှာ
လက်မှတ်ရေးထိုးပွဲ တက်ရောက်ရန် ပြင်သစ်ပြည် ပါရီမြို့သို့ ထွက်ခွာသွားပြီ ဖြစ်သောကြောင့် တွေ့ခွင့် မရကြတော့ပေ။

မင်းလူ

ရှေးခေတ် မြန်မာ့ခေါင်းလောင်းများ

Aung Ko Htet (MM IT Knowledge)

ကြေးသွန်းလုပ်ငန်းသည် ပန်းတဉ်းအတတ်တွင် ပါဝင်ကြောင်းကို ပန်းတိမ်, ပန်းဘဲ, ပန်းပွတ်ဆွဲ, သွန်းမြဲပန်းတဉ်းတတ်-ဟူ၍ ဆိုထားလေသည်။
အထည်ကိုယ်ဒြပ် လေးလံကြီးမားသော ဝတ္ထုပစ္စည်းများကို သွန်းလုပ်ခြင်းသည် ပန်းတဉ်းပညာတရပ်ပင်ဖြစ်သည်။ မြန်မာနိုင်ငံတွင် ဗုဒ္ဓသာသနာ ထွန်းကားလာသော အနော်ရထာမင်းလက်ထက်မှစ၍ ကြေးခေါင်းလောင်းများကို သွန်းလုပ်လာခဲ့လေသည်။

ကျန်စစ်သားမင်းလက်ထက်တွင် ထင်ရှားသော ခေါင်းလောင်းကြီးငါးလုံးကို ကြေးစင် ၁၀၀၀-စီဖြင့် သွန်းလုပ်သည်။ ရွှေစည်းခုံဘုရားတွင် သုံးလုံး၊ အာနန္ဒာဘုရားတွင် တလုံး၊ မင်းအိုချမ်းသာဘုရားတွင် တလုံး လှူဒါန်းခဲ့လေသည်။

အလောင်းစည်သူမင်းလည်း ကြေးစင်တိုးလာချိန် တသောင်း (ပိဿာချိန် တသိန်း) စီ ရှိသော ခေါင်းလောင်းကြီး နှစ်လုံးကို ရွှေဂူဘုရားနှင့် သဗ္ဗညုဘုရားများတွင် တလုံးစီလှူဒါန်းခဲ့လေသည်။

ရှေးမြန်မာမင်းအဆက်ဆက်တို့၏ ကုသိုလ်တော်များတွင် ခေါင်းလောင်းကြီးငယ် အရွယ်ရွယ်အစားစားတို့ကို ဘုရားစေတီ ပုထိုးများတွင် လှူဒါန်းတော်မူခဲ့လေသည်။ ဥဿာပဲခူးမွန်ကျောက်စာများနှင့်တကွ ပုဂံကျောက်စာများတွင် တွေ့ရှိရခြင်းအားဖြင့် ရှေးမြန်မာမွန်ဘုရင်များသည် ခေါင်းလောင်းများကို မွန်မြတ်သော ဒါနတခုအဖြစ် လှူဒါန်းခဲ့ကြောင်း သိနိုင်လေသည်။

(ဖျက်ဆီးခြင်းခံရသော ခေါင်းလောင်း)
မွန်ဘုရင်မကြီး ရှင်စောပုကို ဆက်ခံသော ဓမ္မစေတီမင်းသည် ကြေးချိန်ပိဿာ တသိန်းရှစ်သောင်းရှိ၍ အဝ-ရှစ်တောင်၊ ဇောက် ၁၂-တောင်ရှိ ခေါင်းလောင်းကြီးနှင့်တကွ ကြေးချိန်ပိဿာ ၅၀၀-စီရှိသော ခေါင်းလောင်းငယ်တို့ကို တိဂုံဆံတော်ရှင်အား လှူဒါန်းခဲ့သည်။ ပေါ်တူဂီလူမျိုး ငဇင်ကာ သိမ်းယူဖျက်ဆီးသွားသဖြင့် ယခုအခါ မတွေ့နိုင်တော့ပေ။

(ပျောက်ဆုံးနေသော ခေါင်းလောင်း)
အမရပူရမြို့နယ် ရွှေဂွမ်းထုပ်ရပ်ကွက်၊ ဖန်ချက်အရပ်တွင် နဂါးရုံဘုရား-ကိန်းဝပ်တော်မူသည်။ ထိုနဂါးရုံဘုရားတွင် ယခင်က ခေါင်းလောင်းတလုံးရှိသည်။ ထိုဘုရားတွင်ရှိသော ခေါင်းလောင်းတော်၌ စတည်သော ဒါယကာမင်းမှအစ အဆက်ဆက်ပြုပြင်မှု များကို ခေါင်းလောင်းစာဖြင့် မှတ်တမ်းတင်ထားခဲ့သည်ဟု ဆို၏။ မသမာသူများ၏ ခိုးယူဖျက်ဆီးခဲ့မှုကြောင့် ယင်းခေါင်းလောင်းကြီး ပျောက်ဆုံးပျက်စီးသွားခဲ့သဖြင့် သမိုင်းဆိုင်ရာ အထောက်အထား အချက်အလက်များပါ ဆုံးရှုံရ လေသည်။

( မွန်မြို့စားကြီး၏ ခေါင်းလောင်း)
မွန်တို့ဌာနဖြစ်သော မုတ္တမတောင်ထိပ် ကျိုက်ဖျင်ကူစေတီတော်မှ နိုင်ငံခြားပယောဂ မကင်းသော ပြည်တွင်း သူခိုးကြီးများသည် နိုင်ငံခြားတို့ထံမှ တံစိုးကိုစား၍ ဘုရားမှခေါင်းလောင်းကြီးကို တောင်အောက်သို့ သယ်ချပြီးလျှင် မြစ်တွင်းမှ ခေါင်းလောင်းကြီးကို လှေဖြင့်သယ်ယူရန် ကြိုးပမ်းခဲ့ကြလေသည်။

သို့သော် မြစ်ကမ်းအရောက်တွင် လူအများက မြင်ကြ၍ ခေါင်းလောင်းကြီးကို သူခိုးတို့က ပစ်ပြေးကြသဖြင့် ခေါင်းလောင်းကြီး ကျန်ရစ်သည်။ ထိုခေါင်းလောင်းကြီးကို တောင်ပေါ် ကျိုက်ဖျင်စေတီတော်သို့ ပြန်လည်၍တင်ရန် ခဲယဉ်းလှသည်။ ထို့ကြောင့် မုတ္တမမြစ်ကမ်းရှိ မြသိန်းတန်စေတီတာ်-ရင်ပြင်တွင် ယခုတိုင် မြင်တွေ့နိုင်လေသည်။

ထိုခေါင်းလောင်းကြီး၏ ဒါယကာမှာ ဆင်ဖြူရှင်မင်း ခန့်ထားသော မွန်မြို့စားကြီး လဂန်ဗြိုက်ဖြစ်သည်။ မြို့စားကြီးသည် ဆရာတော်ကြီး မဟာဗိဒျာသီရိသုဒ္ဓဗိဒျာ-၏ စီမံချက်အရ သက္ကရာဇ် ၈၅၅-ခု နတ်တော်လဆုတ် ၁-ရက်၊ တနင်္ဂနွေနေ့တွင် လှူဒါန်းခဲ့သည်ဟု ဗြဟ္မာစာရီမွန်ဗိုလ်ကေ၏ မှတ်တမ်းအရ သိရှိရလေသည်။

(စဥ့်ကူးမင်း ခေါင်းလောင်း)
ရန်ကုန်မြို့ ရွှေတိဂုံဘုရားရင်ပြင်တော် ရာဟုတောင့်တွင်ရှိသည်။ ၁၇၇၈-ခုနှစ်တွင် သွန်းလုပ်ခဲ့သည်။ နှစ်ပေါင်း ၂၀၀-ကျော်ရှိခဲ့ပြီ။ ဗြိတိသျှ ကိုလိုနီတို့က သယ်ယူသွားရာတွင် ရန်ကုန်မြစ်တွင်းသို့ ကျသည်။ ၁၈၂၄-ခုနှစ်တွင် မြန်မာတို့က သယ်ယူထားရသော ခေါင်းလောင်းကြီးဖြစ်လေသည်။

စဥ့်ကူးမင်းခေါင်းလောင်း၏ အလေးချိန်မှာ ၅၅၅၅-ပိဿာရှိသည်။ တန်ချိန် ၂၄-တန်ခန့်လေးသည်။ ပေါင်းကိုင်းမှ ခေါင်းလောင်းအထိ ၁၁-ပေခွဲရှည်သည်။ ကြေးသားအထုမှာ ၁-ပေထုရှိသည်။ ခေါင်းလောင်းနှုတ်ခမ်းဝမှာ ၆-ပေနှင့် ၈-လက်မ ကျယ်သည်။ ခေါင်းလောင်းစာအရ အချင်း ၅-တောင်၊ အရပ် ၇-တောင် နှစ်မိုက်၊ လုံးပတ် ၁၅-တောင်၊ အထု ၂-မိုက်နှင့် ငါးသစ်-ဟူ၍ ပြဆိုထားလေသည်။

ခေါင်းလောင်းကြီးတွင် မြန်မာဘာသာဖြင့် စာ ၁၂-ကြောင်းမျှ ခေါင်းလောင်းစာ ရေးထိုးထားသည်။ ခေါင်းလောင်းစာတွင် ဤတမ္ပကုတ္တ တောင်ထိပ်ရှိ စေတီတော်သို့ ဖူးမြော်ရန်ရောက်လာသူတို့ ကြည်ညိုသဒ္ဓါပွားစိမ့်သောငှါ ဤကမ္ဘာတွင် ရှေးဦးစွာ ပွင့်တော်မူကုန်သော ငါးမာရ်အောင်မြင် ဘုရားသခင် လေးဆူတို့၏ ပဉ္စလောဟာ ရုပ်တုတော်မြတ်လေးဆူကို စေတီတော် လေးမျက်နှာတွင် ဘုံသာရွှေကျောင်းတော်နှင့် တကွ တည်ထား ကောင်းမှုပြုထားကြောင်း ဖော်ပြထားလေသည်။

ထို့နောက်တွင် ဤသို့ သဒ္ဒဒါန ဝတ္ထုပူဇော်ရသော ကောင်းမှုကြောင့် ဒါနစသော ပါရမီကို ဖြည့်စွမ်းဆောင်ရွက်၍ ပညာဓိက သမ္မာသမ္ဗုဒ္ဓ ဂုဏ်ကျေးဇူး အထူးထူးဖြင့် သုံးဦးလူနတ် ပရိသတ်တို့အား တရားတည်းဟူသော အောင်ဆုပေး၍ ချမ်းအေးသုခ နိဗ္ဗာနသို့ တင်ပို့ရသည်ဖြစ်လိုသော ဘဝကြီးငယ် ကျင်လည်သမျှ သုဂတိဘဝ လူမင်းနတ်မင်းအဖြစ်ကိုသာရ၍ နတ်လူသတ္တဝါ ဗြဟ္မာအပေါင်းတို့သည် ချစ်ကြည်အပ်သောအရပ်၌ သာယာသဖြင့် ကျူးရင့်သော ကရဝိက်မင်းအသံကို နှစ်သိမ့်သကဲ့သို့ ကြောက်စေအပ်သောအရာနှိုက် ကုသမင်း၊ ပုဏ္ဏက၊ အာဠာဝကတို့ အသံကဲ့သို့ အလိုရှိရာအရပ်တိုင်း ကြားနံှ့သောအာဏာ၊ သာယာသောအသံနှင့် ပြည့်စုံသည်ဖြစ်လိုသော်ဝ်-ဟူ၍ စဥ့်ကူးမင်းက ဆုတောင်းထားလေသည်။

ထို့ပြင်လည်း မိမိအလိုရှိ တောင့်တသော အကျိုးကို စိတ်ကြံကာမျှနှင့် ပြည့်စုံစေသော၊ အလိုမရှိ မတောင့်တသောအကျိုးကို တရံတဆစ်မျှ မကြုံတွေ့ မမြင်မကြားရသော အရိမေတ္တေယျဘုရားရှင် ပွင့်တော်မူသောအခါ ဘုရားဗျာဒိတ်ပန်းကို ပန်ရစေသော်-စသည်ဖြင့် ဆုတောင်းထားလေသည်။

မဟာဃဏ္ဍခေါင်းလောင်းကြီးကို လှူဒါန်းရသော အကျိုးကို မယ်တော် ခမည်းတော် ဆင်ဖြူရှင် ဘိုးတော် အလောင်းမင်း တရားကြီးနှင့် ဘွားတော်တို့နှင့်တကွ သားတော် သမီးတော် ဆွေမျိုးမှူးမတ်တို့ အမျှပေးထားသည်။ ထို့နောက် တမ္ပကုတ္တတောင်တော် ပတ်ဝန်းကျင် ဆံတော်ရှင်စေတီတော်အား စောင့်ရှောက်သော နတ်တို့နှင့်တကွ အာကာသစိုး၊ ဘုမ္မစိုး နတ်များနှင့်တကွ သတ္တဝါအားလုံးတို့အား ကုသိုလ်ကောင်းမှု ရစေသတည်း-ဟူ၍ အမျှဝေဆုတောင်းစာ ရေးထိုးထားသည်။ ခေါင်းလောင်းကြီး၏ ပေါင်းကိုင်းတွင် နယားရုပ်များကို သရုပ်ဖော်ထားလေသည်။

( သာယာဝတီမင်း ခေါင်းလောင်း)
ရန်ကုန်မြို့ ရွှေတိဂုံရင်ပြင်တော် တနင်္ဂနွေထောင့်တွင် တည်ရှိသည်။ ၁၈၄၁-ခုနှစ်တွင် သွန်းလုပ်တော်မူသည်။ သာယာဝတီမင်း၏ မဟာတိသဒ္ဒဃဏ္ဍ ခေါင်းလောင်းကြီး၏ အတိုင်းအတာမှာ ခေါင်းလောင်းသက်သက် ၇-ပေအမြင့်ရှိသည်။ အဝအကျယ် ၆-ပေ၊ ၈-လက်မရှိသည်။ နှုတ်ခမ်းသား ၁-ပေထု ရှိလေသည်။
မြန်မာအတိုင်းအတာမှာ ခေါင်းလောင်းရပ် ၉-တောင် ၁-မိုက် ၃-သစ်၊ အချင်း ၅-တောင်၊ လုံးပတ် ၁၅-တောင်၊ ထု ၂-မိုက် လက် ၄-သစ်ဖြစ်သည်။ အလေးချိန်မှာ ပိဿာ ၂၆၀၀၀ ဖြစ်သည်။ တန်ချိန် ၄၂-တန်ခန့်ရှိသည်။ ခေါင်းလောင်းကြီးအထက်ချိတ် နေရာတွင် မနုဿီဟရုပ်များ ဖော်ထားလေသည်။

သာယာဝတီမင်း ခေါင်းလောင်းကြီး၏ ခေါင်းလောင်းစာပါရှိသည်။ ခေါင်းလောင်းစာတွင် ဦးစွာပထမ ဂေါတမမြတ်စွာဘုရား၏ ဖြစ်တော်စဉ်ကို သုမေဓာရသေ့ဘဝမှ စတင်ပြဆိုပြီးနောက် သိဒ္ဓတ္ထမင်းသားဘဝတွင် တောထွက်၍ သစ္စာလေးပါး မြတ်တရားကို အောင်မြင်ပြီး ဝါတော် ၄၅-ဝါအရ၌ ပရိနိဗ္ဗာန်ပြုခဲ့ပုံ။ ဘုရားရှင်သာသနာ ၂၃၈၉-ခုနှစ် (ခရစ်နှစ် ၁၈၃၇) တွင် သာယာဝတီမင်း ထီးနန်ဆက်ခံ၍ တရားနှင့်အညီ မင်းပြုကြောင်းသာသနာတော်ကို ချီးမြှောက်ကြောင်း၊ လယ်ယာကိုင်းကျွန်းမှ ရသောငွေဖြင့် ပရိယတ္တိ၊ ပဋိပတ္တိ စာပေတို့ကို ချီးမြှောက်ကြောင်း၊ ယိုးဒယား သီဟိုဠ်တို့မှ ရဟန်းသံဃာတို့ကို လှူဒါန်းဆည်းကပ်ကြောင်း၊ ရွှေတိဂုံဘုရားကြီးကို ရွှေသင်္ကန်းကပ်လှူပြီးလျှင် ခေါင်းလောင်းကြီး သွန်းလုပ်လှူဒါန်းကြောင်း၊ ထီးဖြူနှင့် ကြာပန်းအိုးများကို လှူကြောင်း၊ ဤကောင်းမှုကြောင့် လူနတ်ဗြဟ္မာတို့ကို ကယ်မနိုင်သော ဘုရားအဖြစ်ကို ဆုတောင်းကြောင်း၊ မိမိပြုလုပ်သော ကုသိုလ်အဖို့ကိုလည်း ဆွေမျိုးမိတ်သင်္ဂဟ၊ ဆရာသမား၊ သမ္မာဒေ၀နတ်များနှင့် အနန္တစကြာဝဠာတွင်းရှိ သတ္တဝါတို့အား ပေးဝေကြောင်း ဖော်ပြပါရှိလေသည်။

( ကမ္ဘာသိ မြန်မာ့ခေါင်းလောင်းကြီး)
စစ်ကိုင်းမြို့၏ အရှေ့မြောက် ၁၆-မိုင်ခန့်အကွာ တည်ရှိသည်။ မန္တလေးမြို့၏တဖက်ကမ်း မြောက်ဘက် ၇-မိုင်ခန့် သမ္ဗန်ဖြင့် ဆန်တက်လျှင် မင်းကွန်းသို့ ရောက်လေသည်။
အံ့ချီးဖွယ်ရာဖြစ်သော မင်းကွန်းခေါင်းလောင်းတော်ကြီးကို မြန်မာသက္ကရာဇ် ၁၁၇၀-ပြည့်နှစ် ကဆုန်လဆန်း ၅-ရက်(ခရစ်နှစ် ၁၇၉၀-ပြည့်နှစ်) ဘိုးတော်ဘုရားလက်ထက် ပန်းတဉ်းဝန်နန္ဒကျော်ထင်နှင့် ကြေးသွန်းအမှုထမ်းများ၏ စွမ်းအားဖြင့် မင်းကွန်းစေတီတော်ကြီးအနီးတွင် သွန်းလုပ်လေသည်။

ထိုမင်းကွန်းခေါင်းလောင်းကြီးကို ကြေးညိုနှင့် သွန်းလုပ်သည်။ ရွှေစ၊ ငွေစများကို ခေါင်းလောင်းကြီး၏ ကြေးသားထဲတွင် မြှုပ်ထား သည်။ ကြေးချိန်ပိဿာပေါင်း (၅၅၅၅၅) ထည့်သွင်းရသည်။ ထိုဂဏန်းကို လွယ်ကူစွာမှတ်သားနိုင်ရန် (မင်းဖြူမှန်မှန်ပြော) ဟူသော ဆောင်ပုဒ်တခုကို တီထွင်ခဲ့လေသည်။
ထိုခေါင်းလောင်းကြီးကို သတ္တုပြားဖုံးထားသော သုံးချောင်းပူးရက်မကြီး၌ ဆွဲထားသည်။ ထိုရက်မကြီးသည် ကျွန်းတိုင်ကြီးများကို ငုံ၍ဆောက်ထားသော အုတ်တိုင်နှစ်ခုပေါ်တွင် တင်ရှိထားလေသည်။

ခေါင်းလောင်းကြီးမှာ မလွဲနိုင်တော့ပေ။ ခေါင်းလောင်းကြီးကို ထောက်ထားသည့်တိုင်ကြီးများ မြေငလျင်၏ဒဏ်ကြောင့် ပျက်စီးယိုယွင်းနေသည်။ ခေါင်းလောင်းကြီးအောက်သို့ ပြုတ်၍မကျစေရန် သစ်သားတုံးကြီးများဖြင့် ထောက်ပေးထားရလေသည်။
၁၈၃၈-ခုနှစ် မြေငလျင်ကြောင့် ခေါင်းလောင်းကြီး မြေသို့ကျခဲ့သည်။ အနည်းငယ် နေရာရွေ့ကာ ကြေး ၅-ပိဿာခန့် ပဲ့သွားသည်။ ၁၉၀၄-ခုနှစ်တွင် ဧရာဝတီသင်္ဘောကုမ္ပဏီမှ စကော့တလန်လူမျိုး အရာရှိတဦးက မူလသစ်သားရက်မကို သံရက်မနှင့် ပြောင်းလဲတပ်ဆင်ပေးခဲ့လေသည်။

မင်းကွန်းခေါင်းလောင်းကြီး၏ အတိုင်းအတာမှာ အဝအချင်း ၃၁-တောင် ၄-သစ်၊ လုံးပတ် ၃၃-တောင် ၁-မိုက် ၄-သစ်၊ ဇောက် ၁၃-တောင် ၄-သစ်ဖြစ်လေသည်။
ယခုအတိုင်းအတာများနှင့် ရေတွက်သော် အဝအချင်း ၁၆-ပေ ၃-လက်မ၊ လုံးပတ် ၅၀-ပေ ၃-ပိုင်းတပိုင်း လက်မ၊ ဇောက် ၂၀-ပေ ၃-လက်မ၊ အမြင့် ၁၂-ပေ၊ အထူ ၆-လက်မမှ ၁၂-လက်မ ဖြစ်လေသည်။
အလေးချိန် ကြေးအချိန်ပိဿာ ၅၅၅၅၅-ဖြစ်သည်။ ထိုပိဿာချိန်ကို တန်ချိန်ဖွဲ့လျှင် ၉၀-ဒသမ ၅၂-တန် ရလေသည်။

ယခုအခါတွင်မင်းကွန်းခေါင်းလောင်းကြီးကို ရှေးဟောင်းသုတေသနဌာနမှ ထိန်းသိမ်းစောင့်ရှောက်ထားသဖြင့် အမိုးပြာသာဒ် သုံးဆင့် တိုင်ပေါင်း (၁၆)တိုင်ရှိ ဘုံဗိမာန်အတွင်းဝယ် ထိုက်တန်စွာ ချိတ်ဆွဲထားရှိသည်။ ကုသိုလ်ရှင်တိုင်း ခေါင်းလောင်းထိုး၍ အမျှဝေနိုင်လေသည်။
မင်းကွန်းခေါင်းလောင်းကြီးသည် မြန်မာနိုင်ငံတွင် အကြီးဆုံးသော ခေါင်းလောင်းကြီးဖြစ်ရုံသာမက ယခုအခါ ကမ္ဘာတွင် အကြီးဆုံးသောခေါင်းလောင်းကြီး ဖြစ်လေသည်။

( သမိုင်းဝင် မြန်မာခေါင်းလောင်းများ)
မြန်မာ့ကြေးခေါင်းလောင်းကြီးများနှင့် စပ်လျဉ်း၍ ရာဇဝင်သမိုင်းတွင် ထင်ရှားသော မြန်မာမင်းဧကရာဇ်တို့၏ ခေါင်းလောင်းများမှာ များစွာပင်ရှိပါသေးသည်။ မြန်မာနိုင်ငံတွင် ပြည်တော်ပြန် ခေါင်းလောင်းများရှိသကဲ့သို့ ပြည်တော်မှပါသွားသော ခေါင်းလောင်းများလည်း များစွာပင်ရှိသေးသည်။ ဒုတိကမ္ဘာစစ်အတွင်းက ဂျပန်များသည် ခေါင်းလောင်းများကို စစ်သုံးလက်နက်များ ပြုလုပ်ကြလေသည်။

(အသံမြည်သာ ခေါင်းလောင်း)
မြန်မာ့ကြေးသွန်း (ပန်းတဉ်း) ပညာဖြင့် ပြုလုပ်ထားသော ခေါင်းလောင်းများသည် ထူးထူးခြားခြား ကျော်ကြားခဲ့သည်။ မြန်မာ့ခေါင်းလောင်းမှာ ကမ္ဘာကျော်ကြားသည်။ နိုင်ငံတကာမှ နှစ်သက်မြတ်နိုးကြလေသည်။
မြန်မာ့ခေါင်းလောင်း၏ ထူးခြားသော ဝိသေသလက္ခဏာမှာ ပုံသဏ္ဍာန် လှပတင့်တယ်သည်။ အသံမြည်ဟည်းသည်။ အသံသာယာနာပျော်ဖွယ်ရှိသည်။ ကြေးကိုသွန်းစပ်ရာ၌ မြန်မာတို့စပ်နည်းမှာ ပဉ္စလောဟာ-စပ်နည်း ဖြစ်သည်။ ပဉ္စလောဟာမှာ ရွှေ၊ ငွေ၊ ကြေးနီ၊ သံ၊ ခဲ-ဟူသော ငါးမျိုးဖြစ်သည်။ စပ်ဟပ်ရာတွင် အချိန်အတွက် တိကျမှုပညာ လိုအပ်လေသည်။

( ခေါင်းလောင်းနှင့် မြန်မာလူမျိုး)
ခေါင်းလောင်းကို မြန်မာ၊ အင်္ဂလိပ်၊ အမေရိကန်၊ အိန္ဒိယ၊ ရောမ၊ အီဂျစ်၊ တရုတ်စသည်ဖြင့် ကမ္ဘာပေါ်ရှိ တိုင်းပြည်အသီးသီးမှ လူမျိုးအများအပြား အသုံးပြုကြလေသည်။
ကမ္ဘာပေါ်ရှိ လူမျိုးများနှင့် နှိုင်းစာကြည့်လျှင် မြန်မာလူမျိုးသည် ခေါင်းလောင်းကို အများဆုံးအသုံးပြုသည်။ မွန်မွန်မြတ်မြတ်ဖြစ်သော အရာဝတ္ထုပစ္စည်းတရပ်အနေနှင့်လည်း ယုံကြည်ယူဆထားကြလေသည်။

မြန်မာနိုင်ငံအရပ်ရပ်ရှိ ဘုရား၊ စေတီ၊ ပုထိုး၊ တန်ဆောင်း၊ ကျောင်းဇရပ်၊ တံခွန်တိုင်၊ ငှက်မြတ်နား စသော အထွတ်အမြတ် နေရာတို့တွင် ချိတ်ဆွဲလှူဒါန်းထားရှိသည်ကိုလည်း တွေ့ရှိနိုင်လေသည်။

(ခေါင်းလောင်းအလှူဒါယကာ)
ရှေးခေတ်အခါက ခေါင်းလောင်းကြီးများ၏ အလှူဒါယကာတို့မှာ ဘုရင်မင်းအစရှိသော ရာထူးရာခံပုဂ္ဂိုလ်ကြီးများ၊ သူဌေးသူကြွယ်များ၊ ရဟန်းသံဃာများသာလျှင် ဖြစ်လေသည်။
ခေါင်းလောင်းအလှူသည် ဘုရား၊ စေတီ၊ ပုထိုး အလှူများကဲ့သို့ သားစဉ်မြေးဆက် မျိုးရိုးအဆက်ဆက်တိုင်အောင် မပျောက်မပျက် တည်တံ့သော အလှူကြီးမျိုးဖြစ်သည်။ အလှူရှင်၏ ဂုဏ်သိန်စေတနာမှာ ကမ္ဘာတည်ရစ်စေသည်ဟုလည်း ယုံကြည်ကြလေသည်။

ထို့ကြောင့်ပင် ခေါင်းလောင်းများကို ပဏိတဒါနအဖြစ် လှူဒါန်းကြသောအခါ ခေါင်းလောင်းစာဖြင့် ဒါယကာ ဒါယိကာမတို့၏ အမည်နာမနှင့် သွန်းလုပ်သော ခုနှစ် ကာလတို့ကို ကမ္ပည်းရေးထိုး လှူဒါန်းလေ့ရှိလေသည်။
ထူးထူးခြားခြား မော်လမြိုင်ကျိုက်သလ္လံတောင်၊ ကျိုက်သလ္လံဘုရား၌ ကျိုက်သလ္လံခေါင်းလောင်းကြီး၏ ထူးခြားချက်မှာ မြန်မာနိုင်ငံတွင် ကျိုက်သလ္လံခေါင်းလောင်းတလုံးသာလျှင် အင်္ဂလိပ်စာနှင့် ကမ္ပည်းထိုးထားလျက်ရှိလေသည်။

အင်္ဂလိပ်စာ၏ အထက်နား၌ ပါဠိဘာသာဖြင့်လည်း ခေါင်းလောင်းစာပါရှိလေရာ ထိုဘာသာနှစ်ရပ်၏ လိုရင်းအဓိပ္ပါယ်မှာ (ကုနံလင်္ဂ အမည်ရသော ရဟန်း၊ ငါသည် ဤခေါင်းလောင်းကြီးကို ကြေးချိန်ပိဿာ ၆၀၀-(ခြောက်ရာ)ဖြင့် သွန်းလုပ်ခဲ့သတည်း။ ဤခေါင်းလောင်းကြီးကို ဖျက်ဆီးသောသူသည် မဟာအဝီစိငရဲမှ မလွတ်ပါစေသတည်း) ဟူ၍ ဖြစ်လေသည်။

(ခေါင်းလောင်းထိုး၍ အမျှဝေသည်)
ဗုဒ္ဓဘာသာ မြန်မာလူမျိုးတို့သည် ခေါင်းလောင်းလှူဒါန်းသော အကျိုးတရားကို မြတ်နိုးကြခြင်းမှာ ခေါင်းလောင်းသံ-၏ အကျိုးအာနိသင်ကို ကောင်းစွာသိရှိထားခြင်းကြောင့် ဖြစ်လေသည်။
ကျောင်းကန်ဘုရားများတွင် ထားရှိသော ခေါင်းလောင်းတို့မှ မြည်ဟည်းသံကို ကြားသိကြသော ဗုဒ္ဓဘာသာဝင်တို့သည် ကြားသိလိုက်ရသည့် တဒင်္ဂအချိန်လေး၌ပင် ရုတ်ချည်း ဘာသာရေးကို စိတ်ညွတ်လာတတ်လေသည်။

ခေါင်းလောင်းထိုးသံကြောင့် မကောင်းမှု ညစ်ညူးသောစိတ်ဓာတ်များ လွင့်စဉ်သွားတတ်သည်။ ကောင်းမှု ကြည်လင်ချမ်းမြေ့သော စိတ်နှလုံးကိုပွားများ ပေါ်ပေါက်စေသည်။
ခေါင်းလောင်းသံဖြစ်ပေါ်လာအောင် ခေါင်းလောင်းထိုးသူတို့သည် မိမိတို့လှူဒါန်းမှုများ ပြုလုပ်ပြီးစီး၍ ထိုကောင်းမှုကုသိုလ် တရားကို သတ္တဝါအများအား မိမိနည်းတူ ကုသိုလ်ရကြစေလိုသောဆန္ဒ ပုဂ္ဂလိကကုသိုလ်ကို အများကုသိုလ်အဖြစ် မေတ္တာစစ် စေတနာဖြင့် ဖြန့်ဝေလိုက်ခြင်းပင်ဖြစ်လေသည်။

လေနှင့်အတူလွင်ပါလာသော ခေါင်းလောင်းသံသည် နားထဲသို့စိမ့်ဝင်သွားသည့်အခါ အိမ်မှုကိစ္စအဝဝတို့ဖြင့် မအားလပ်သော အိမ်ရှင်မတဦးပင်လျှင် ဘဝင်ခိုက်အောင် သဒ္ဓါစိတ်များပေါ်ပေါက်လာပြီးနောက် သာဓု သာဓု သာဓု သုံးကြိမ်ဖွင့်ထုတ် ခေါ်ဆိုမိတတ်လေသည်။

ထိုမျှအရေးပါ အရာရောက်သော ဗုဒ္ဓသာသနိက ဝတ္ထုပစ္စည်းတရပ်ဖြစ်သည့် ခေါင်းလောင်းကို ဗုဒ္ဓဘာသာဝင်မှန်လျှင် အဘယ်မှာမနှစ်သက်ဘဲ ရှိနိုင်အံ့နည်း။ ရှေးအထက်ကျော်ကာရီမှ မျက်မှောက်ခေတ်ကာလတိုင် ခေါင်းလောင်းထိုး၍ အမျှဝေခြင်း-သည် မြန်မာလူမျိုးတို့၏ ကောင်းမြတ်သော ဗုဒ္ဓဘာသာယဉ်ကျေးမှု အစဉ်အလာကောင်းတရပ်ပင် ဖြစ်ပေသတည်း။

သုတေသီ မြင့်ထွန်း

ပီမိုးနင်းပြောတဲ့ အချစ်ရေးရာ ၁၁ ဖြာ

Aung Ko Htet (MM IT Knowledge)
 
( ၁) ယခုကာလ လင်နှင့်မယား အကွဲမြန်ကြခြင်းသည် အချစ်ချင်း မတူကြသောကြောင့်ပင်ဖြစ်၏။
အကြောင်းမူကား မိန်းမကလည်း နည်းနည်းချစ်၏ ယောက်ျားကလည်း နည်းနည်းချစ်၏။

( ၂) အဖိုးတန်သော မယားကို အ၀တ်ကြောင့်မရပေ၊ အသုံးအစားကြီးကာ ပလွှားသော မယားကိုသာ
အ၀တ်နှင့် မြူ ရပေမည်။

( ၃) အချစ်ဆိုသည်မှာ ချစ်ခိုက်သာလျှင်ချစ်၏ ။ မုန်းလျှင်ပစ်၏ ။ တကယ်ရှိသောအရာမဟုတ် ခေတတ္တမျှ ကောင်းကင်၌
ပေါ်သောတိမ်ရုပ်နှင့်တူ၏ ။

( ၄) အချစ်ကြောင့် သောကမီးတောက်ခြင်းသည် အပို ရူးမိုက်ခြင်း ဖြစ်လေသည်။

( ၅) အမြဲတုံးလျက်မသွေးဘဲထက်သောဓါးသည် လင်ကိုနိုင်သော မိန်းမ၏လျှာဖြစ်လေသည်။

( ၆) မိန်းမပီသသော မိန်းကလေးသည် အ၀တ်၌လည်းကောင်း အပြောအဆို၌လည်းကောင်း အကြံအစည်၌လည်းကောင်း
ပလွှားဝင့်ဝါခြင်း မရှိအပ်ပေ။

( ၇) ယောက်ျားတစ်ယောက် ချွဲချွဲပစ်ပစ် ပြောသည့်အခါ ယုံလွယ်ကြသည်မှာ မိမိတို့ကိုယ်ကို အထင်ကြီးကြခြင်း
ကြောင့်ဖြစ်လေသည်။

( ၈) မိန်းမတို့၏ အဖိုးတန်ခြင်းသည် အကျင့်ကောင်းခြင်း စိတ်ကောင်းခြင်း၌သာ တည်သည်။

( ၉) မိန်းမများ၌ အကြီးဆုံးသောရန်သူသည် ယုံတတ်သောစိတ်ဖြစ်သည်။

(၁၀) အချစ်သည် ဆိတ်ကွယ်ရာ၌ ကိလေသာဘက်ကို သာလွန်နီးကပ်တတ်လေသည်။

(၁၁) ချစ်သာချစ်စေ မနစ်စေနှင့်။

ပီမိုးနင်း

ဦးပိန်တံတားဆိုတာ

Aung Ko Htet (MM IT Knowledge)
 
ဦးပိန်တံတားဆိုလျှင် အများစုက ကြားဖူးကြပေမည်။ မြန်မာပြည် အထက်ပိုင်းက ပို၍ သိကြသည်။ သို့သော် တံတား၏ သမိုင်းကြောင်းကို သိရှိသူ နည်းပါးပေမည်။ ဦးပိန်တံတားခေါ် တောင်သမန်တံတားသည် အမရပူရ (တောင်မြို့) ၏ အနောက်ယွန်းယွန်း တဖာလုံခန့်တွင် တည်ရှိ်သည်။ တံတားနှင့် အင်းပတ်လည်တို့တွင် စေတီ၊ တန်ဆောင်း၊ ဘုရားကျောင်းများနှင့် မယ်ဇယ်ပင်တို့ ၀န်းရံထားသည့်အတွက် သာယာကြည်နူးဖွယ်ရာ ကောင်းလှသည်။

သက္ကရာဇ် ၁၂၁၁-ခု (၁၈၄၉) တွင် ကုန်းဘောင်ဆက် န၀မမြောက် ပုဂံမင်း၏ လက်ထက်တွင် တည်ဆောက်ခဲ့သည့်အတွက် ယခုအခါ နှစ်ပေါင်း ၁၅၀-ကျော်ပြီဖြစ်သည်။ ထိုတံတားကို မြို့စားရေးဖြစ်သူ မောင်ပိန်က တည်ဆောက်ခဲ့သည့်အတွက် ဦးပိန်တံတား-ဟူ၍၄င်း၊ တောင်သမန်အင်းကြီးကို ဖြတ်ကျော် တည်ဆောက်ထား၍ တောင်သမန်တံတား-ဟူ၍၄င်း ခေါ်ကြသည်။

ပုဂံမင်း၏ ငယ်ကျွန်များ ဖြစ်ကြသည့် မြို့ဝန်ဘိုင်ဆပ်နှင့် မြို့စာရေး မောင်ပိန်တို့သည် မင်းနှင့်အကျွမ်းဝင်ကြသည့် အတွက် အင်းဝနန်းတော်ဟောင်း၊ အိမ်တော်ဟောင်းတို့မှ စွန့်ပစ်ရမည့် သစ်တို့ကိ်ု ဘုရင်၏ ခွင့်ပြုမိန့်ကို ရယူ၍ အသုံးပြုခဲ့ကြသည်။ ၁၂၁၁-ခုတွင် စတင်ဆောင်လုပ်၍ ၁၂၁၃-ခုတွင် ပြီးစီးသည်။ တည်ဆောက်ချိန် ၂-နှစ်ကျော်ကြာခဲ့သည်။

ရှေးခေတ် မြန်မာအင်ဂျင်နီယာ ပညာရှင်များ၊ မှန်ချိန် စသည်တို့ အသုံးမပြုနိုင်မီ ခြေလှမ်းဖြင့် တိုင်းတာ တည်ဆောက်ခဲ့ကြသည်။ လှိုင်းဒဏ်၊ လေဒဏ်တို့ကို ကြံ့ကြံ့ခံနိုင်စေရန် ရည်ရွယ်၍ ဖြောင့်တန်းစွာ မတည်ဆောက်ဘဲ တောင်ဘက်သို့ ဦးမော့၍ ကွေ့ဝိုက်ပြီး ကျင်တွယ်ချိုးပုံစံ တည်ဆောက်ခဲ့သည်။ တိုင်များ၏ မြေ၀င် (မြေစိုက်) သည် လက်ခုပ်တဖောင်၊ (သို့မဟုတ်) ခုနစ်ပေ အနက်ရှိ၏။ မြေ၀င်တိုင်ခြေတို့တွင် အပေါက် ဖောက်ပြီး ထူးနှစ်ချက်ခတ်ထားသည်။ ၀ရန်တာ နှစ်ဖက်ကာ၍ အခင်းကို သုံးထပ်သုံးလွှာ ခင်းခဲ့သည်။ ပြီးခါစတွင် တိုင်ပေါင်း ၉၈၄-တိုင်တိတိ ရှိလေ၏။

နောင်အခါ တံတားနှစ်ဖက်ထိပ်မှ အုတ်ခံတံတားများကို ဖြုတ်၍ သစ်သားများဖြင့် အစားထိုးလိုက်သည့်အခါ တိုင်ပေါင်း ၁၀၈၆-တိုင် ဖြစ်လာ၏။ တံတား၏ ဘေးခပ်လှမ်းလှမ်းတို့တွင် မိုးနေလုံ ဇရပ်လေးဆောင် ဆောက်လုပ်ထားသည်။ တံတားအရှည်မှာ ၃၃၉-တာနှင့် ၂-တောင် (၃၉၆၇-ပေ) ရှိ၍ တမိုင်၏ လေးချိုး သုံးချိုး ရှိသည်။ အခန်းပေါင်း ၄၈၂-ခန်း ရှိ၏။

စစ်ကြီးပြီးစက တောင်သမန်အင်းရေ ကြီးပြီး တံတားကို ရေမြုပ်ကာ လှိုင်းဒဏ်၊ လေဒဏ်ခံရ၍ တိုင်အချို့ ပြုတ်ထွက် ပျက်စီးသွားသည်။ ထိုအခါ အမရပူရ (ဖဆပလ) အမတ် ဦးဘသီ-က ဦးဆောင်ကာ ပြုပြင်နိုင်ခဲ့သည်။ ၁၃၃၅-ခုတွင် အလားတူ တဖန် ရေကြီးပြန်၍ အခန်းပေါင်း ၈၀-ကျော် ပျက်စီးခဲ့ပြန်သည်။ မဟာဂန္ဓာရုံ ဆရာတော်၏ သြ၀ါဒဖြင့် မြို့နယ်ဥက္ကဋ္ဌနှင့် စေတနာရှင်၊ အလှူရှင်များက ပြန်လည်တည်ဆောက်ခဲ့သောကြောင့် ယခုထိတိုင် ချမ်းသာစွာ သွားလာနိုင်လျက်ရှိပေသည်။

(စလင်း-မောင်မွှေးကြိုင်)

Japan Education Fair 2014 ပြုလုပ်မည်

Aung Ko Htet (MM IT Knowledge)

Japan Student Services Organization (JASSO)၊ မြန်မာနိုင်ငံရှိ ဂျပန်သံရုံးနှင့် Myanmar Association of Japan Alumni (MAJA) တို့မှ ကြီးမှူးကျင်းပသော Japan Education Fair 2014 ကို မြန်မာနိုင်ငံ တွင် ကျင်းပပြုလုပ်သွားမည်ဖြစ်ကြောင်း သိရသည်။

အဆိုပါ ပညာရေးပွဲတော်အား စက်တင်ဘာလ ၃၀ ရက်၊ နံနက် ၁၀ နာရီမှ ညနေ ၄ နာရီအထိ Sule Shangri-La Hotel  တွင် ကျင်းပပြုလုပ်သွားမည်ဖြစ်ပြီး ပညာရေးပွဲတော်ကို မြန်မာနိုင်ငံရှိ Japan International Cooperation Agency (JICA)၊ Myanmar-Japan Center for Human Resources Development (MJC) တို့မှလည်း ပူးပေါင်းဆောင်ရွက်ပေးသွားမည် ဖြစ်သည်။

ဂျပန်နိုင်ငံသို့ သွားရောက်ပညာသင်ကြားလိုသော မြန်မာနိုင်ငံမှ ကျောင်းသား၊ ကျောင်းသူများအတွက် ဂျပန်နိုင်ငံ၏ အဆင့်မြင့်ပညာရေးနှင့် ပတ်သက်သော မှန်ကန်သည့်သတင်းအချက်လက်များကို ဝေမျှပေးမည့် အပြင် ကျောင်းရွေးချယ်မှုများ မှန်ကန်စေရန်အတွက် ကူညီမှုများပေးနိုင်စေရန်ရည်ရွယ်၍ ၎င်းပွဲတော်ကို ကျင်းပပြုလုပ်ခြင်းဖြစ်သည်။
ပွဲသို့ ဂျပန်နိုင်ငံတွင်ပညာသင်ကြားလိုသော မြန်မာနိုင်ငံရှိ အထက်တန်းကျောင်းသား၊ ကျောင်း သူများ၊ တက္ကသိုလ်ကျောင်းသား၊ ကျောင်းသူများနှင့် ပညာရေး ဝန်ဆောင်မှုလုပ်ငန်း ပြုလုပ်နေသူများ တက်ရောက်နိုင် မည်ဖြစ်သည်။ ပွဲတွင် ဂျပန်နိုင်ငံ၏ပညာရေးစနစ် အကြောင်း၊ တက်ရောက်နိုင်သော ဘာသာရပ်များအကြောင်း၊ ကျောင်းဝင်ခွင့်များအကြောင်း၊ ဂျပန်တက္ကသိုလ်များ၊ ကောလိပ်များနှင့် ပတ်သက်၍ အသေးစိတ် အချက်အလက်များကို ရှင်းလင်းပြောကြားပေးသွားမည်ဖြစ်ပြီး ဂျပန်တက္ကသိုလ်များနှင့် ထိုင်း တက္ကသိုလ်တိုိ့အကြား မိတ်ဖက်တက္ကသိုလ်များအဖြစ် ပြုလုပ်မည့် အကြောင်းများကိုလည်း ရှင်းလင်းပြောကြားပေး သွားမည်ဖြစ်သည်။

JASSO အဖွဲ့အစည်းမှလည်း ဂျပန်နိုင်ငံတွင် ပညာသင်ကြားခြင်းနှင့်ပတ်သက်သော Video  Presentation ကို ပြသပေးသွားမည်ဖြစ်ပြီး ထိုင်းနိုင်ငံရှိ ဂျပန်သံရုံးမှလည်း ဂျပန်အစိုးရပညာသင်ဆုနှင့် ပတ်သက်၍ ရှင်းလင်း ပြောကြားပေးသွားမည်ဖြစ်သည်။

ပညာရေးပွဲတော်တွင် ဂျပန်နိုင်ငံရှိ တက္ကသိုလ် ၁၇ ခုပါဝင်ပြသမည်ဖြစ်ပြီး အစိုးရတက္ကသိုလ်များဖြစ်သော Hokkaido University, Kyoto University, Kyushu University, Okayama University, Shinshu University၊ ကိုယ်ပိုင်တက္ကသိုလ်များဖြစ်သော Daito Bunka University, Higashi Nippon International University, Matsumoto Dental University, Ritsumeikan Asia Pacific University, Ritsumeikan University, Takushoku University, Waseda University၊ Japanese Language Institutions များဖြစ်သော Aoyama School of Japanese, I.C.NAGOYA Japanese Language School, Kyoshin Language Academy, Shinjuku Heiwa Japanese Language School တို့အပြင် Metropolitan Tokyo Professional Institution Association တို့မှ ပါဝင်ပြသသွားမည်ဖြစ်သည်။

Internet Journal 

Google က မောင်းသူမဲ့ Drone ယာဉ်ပျံများဖြင့် အင်တာနက် ထုတ်လွှင့်ပေးနိုင်သော နည်းပညာကို စမ်းသပ်ရန် စီစဉ်

Aung Ko Htet (MM IT Knowledge)
 
Google က အင်တာနက် ထုတ်လွှင့်ပေးနိုင်သော Drone မောင်းသူမဲ့ ယာဉ်ပျံများကို စမ်းသပ်ရန် အမျိုးသား ဆက်သွယ်ရေး ကော်မရှင်ထံတွင် ခွင့်ပြုချက်တောင်းခံနေပါသည်။

Google သည် မြင့်မားသော လေထုထဲတွင် ကြာရှည်စွာ ပျံသန်းနိုင်သော နေရောင်ခြည်စွမ်း အင်သုံး မောင်းသူမဲ့ Drone ယာဉ်ပျံများကို တီထွင်သည့် Titan Aerospace ကို မကြာမီက ၀ယ်ယူခဲ့ပါသည်။ အဆိုပါ ယာဉ်ပျံများဖြင့် အင်တာနက် ထုတ်လွှင့်ပေးနိုင်ရုံသာမက ရေနံယိုဖိတ်မှုများနှင့် သစ်တောများကို တရားမ၀င် ခုတ်ယူခြင်းများကဲ့သို့ သဘာဝ ပတ်ဝန်းကျင် ပျက်ဆီးမှုများကို စောင့်ကြည့်နိုင်ပါသည်။

Google က Titan Aerospace ကို ဧပြီလတွင် ၀ယ်ယူခဲ့ပြီး Project Loon နှင့် ပူးပေါင်း လုပ်ကိုင်ရန် ဖြစ်ပါသည်။ Project Loon သည် အင်တာနက် မရရှိသော နိုင်ငံများတွင် မိုးပျံပူဖေါင်းများဖြင့် အင်တာနက် ထုတ်လွှင့်ပေးရန် တီထွင်နေသည့် စီမံကိန်း ဖြစ်ပါသည်။ Google သည် နိမ့်ပါးသော ကမ္ဘာပတ်လမ်းကြောင်းတွင် Satellite များဖြင့် အင်တာနက် ထုတ်လွှင့်ပေးရန်လည်း စီစဉ်နေပါသည်။ Titan ၏ Drone များသည် နေရောင်ခြည် စွမ်းအင်ကို အသုံးပြုပြီး ငါးနှစ်ကြာ မရပ်မနား ပျံသန်းနိုင်ပါသည်။

Google က အောက်တိုဘာလ ၆ ရက်နေ့မှ စတင်ကာ ရက်ပေါင်း ၁၈၀ ကြာ Drone များစမ်းသပ်ခွင့်ကို တောင်းဆိုထားပါသည်။ New Mexico ရှိ Santa Fe တောင်ပိုင်းနှင့် Albuquerque အရှေ့ပိုင်းတွင် စမ်းသပ်ရန် စီစဉ်ထားပါသည်။ 

Google က Drone ယာဉ်ပျံ အသေးလေးများဖြင့် ကုန်ပစ္စည်းများ ပို့ဆောင်ပေးသော နည်းပညာကိုလည်း စမ်းသပ်နေသည်ဟု မကြာမီက သတင်းရရှိထားပါသည်။

Myanmar Digital Life Journal

ZTE က ဈေးနှုန်း သက်သာသော အရွယ်ကြီး စမတ်ဖုန်း ZMax ကို ကြေညာ

Aung Ko Htet (MM IT Knowledge)


တရုတ် စမတ်ဖုန်း ထုတ်လုပ်သူ ZTE က အမေရိကန်တွင် ZMax ဟု အမည်ပေးထားသော Android Phablet ကို T-Mobile မှ ရောင်းချမည်ဟု ကြေညာလိုက်ပါသည်။ ၅.၇ လက်မအရွယ် ဈေးသက်သာသော စမတ်ဖုန်း ဖြစ်ပြီး စက်တင်ဘာလ ၂၄ ရက်နေ့တွင် စတင်ရောင်းချမည် ဖြစ်သည်။ စာချုပ်အလွတ် ၀ယ်ယူလျှင် ဒေါ်လာ ၂၅၂ ဖြစ်ပါသည်။ စာချုပ်ဖြင့် ၀ယ်ယူလျှင် တစ်လလျှင် ၁၀.၅၀ ဒေါ်လာဖြင့် ၂၄ လပေးသွင်းရမည် ဖြစ်သည်။

ZTE ZMax တွင် 1.2GHz Quad-Core CPU တပ်ဆင်ထားသော Qualcomm Snapdragon 400 Chipset ဖြင့် မောင်းနှင်လည်ပတ်မည် ဖြစ်သည်။ 2GB RAM , 16GB Internal Storage ပါရှိပါသည်။ MicroSD Card အသုံးပြုနိုင်ပါသည်။

၅.၇ လက်မ LCD တပ်ဆင်ထားပြီး Resolution မှာ 1280x720 ဖြစ်ပါသည်။ အနောက်ဘက်တွင် 1080p Video များကို ရိုက်ကူးပေးနိုင်သော 8MP Camera နှင့် မျက်နှာချင်းဆိုင်တွင် 1.6MP Camera တပ်ဆင်ထားပါသည်။

3400mAh Battery ပါရှိပါသည်။ Android 4.4.2 KitKat ကို အသုံးပြုထားပါသည်။ စွမ်းဆောင်ချက်များ အနေဖြင့် အသံဆူညံမှုကို ဖယ်ရှားပေးနိုင်သော မိုက်ကရိုဖုန်း နှစ်ခု တပ်ဆင်ထားပါသည်။

အဆိုပါ စမတ်ဖုန်းသည် ZTE ၏ အမေရိကန် ဈေးကွက်ကို ထိုးဖောက်နေမှုကို ထပ်မံ ပြုလုပ်လိုက်ခြင်း ဖြစ်သည်ဟု ကျွမ်းကျင်သူများက သုံးသပ်ပါသည်။ Gartner ၏ စစ်တမ်းအရ ZTE သည် ကမ္ဘာ့ ပဉ္စမ အကြီးဆုံး စမတ်ဖုန်း ထုတ်လုပ်သူဖြစ်ပြီး ဈေးကွက် ဝေစု ၃.၃ ရာခိုင်နှုန်း ပိုင်ဆိုင်ထားပါသည်။

Myanmar Digital Life Journal

Phrasebook for Travel in Japan

Aung Ko Htet (MM IT Knowledge)

ဂျပန်ဘာသာကို လေ့လာနေသူများအတွက် အသုံးဝင်မည့် App တစ်ခုဖြစ်ပြီး iPhone, iPad တို့ ပေါ်မှ အသုံးပြုနိုင်မည် ဖြစ်သည်။ Learn Japanese App တွင် ဂျပန်စာ စကားလုံးတွဲ လုံးများကို ဖော်ပြပေး ထားမည် ဖြစ်ပြီး အများနှင့် သက်ဆိုင်သည့် စကားလုံးတွဲပေါင်း ၄၀၀ ကျော် ကို ဖော်ပြပေး ထားသည်။ အဆိုပါ App တွင် Category ပေါင်းများစွာပါဝင်မည်ဖြစ်ပြီး ၊ Pro Version တွင် Category များ ထပ်တိုးလာမည့်အပြင် စကားလုံးများစွာလည်း ထပ်တိုးလာမည်ဖြစ်သည်။

App ကို version နှစ်မျိုးဖြင့် ထုတ်လုပ်ဖြန့်ချိပေးထားပြီး Free Version နှင့် Pro Version ဟူ၍ ခွဲခြားထားသည်။ Pro Version ကို အခကြေးငွေပေးသွင်း၍ အသုံးပြုမည်ဆိုပါက ကန်ဒေါ်လာ ၄.၉၉ ပေးသွင်း၍ အသုံးပြုရမည် ဖြစ်သည်။

အခမဲ့ရယူလိုသူများအတွက် ====> https://itunes.apple.com/us/app/learn-japanese-phrasebook/id447047877?mt=8

မော်တော်ကား တစ်စီးကို ၄၄ နာရီအတွင်း 3D Printer ဖြင့် ထုတ်လုပ်

Aung Ko Htet (MM IT Knowledge)
 
မဝေးတော့သော အနာဂတ်တွင် ကားအရောင်းဆိုင် သို့သွားပြီး ကားထိုင်ခုံများ အပါအ၀င် နှစ်သက်ရာ ဒီဇိုင်းကို ကွန်ပြူတာမှ ရွေးချယ် ရေးဆွဲနိုင်ပြီး နာရီပိုင်းအတွင်း 3D Printer ဖြင့် တစ်ထိုင်တည်း ထုတ်လုပ်နိုင်တော့မည် ဖြစ်သည်။

Local Motors က Strati ဟု အမည်ပေးထားသော မော်တော်ကားကို ကမ္ဘာ့ပထမဆုံး အနေဖြင့် 3D Printer ဖြင့် ထုတ်လုပ်ခဲ့ခြင်း ဖြစ်ပါသည်။ နှစ်ယောက်စီး ကားဖြစ်ပြီး International Manufacturing Technology Show (IMTS) တွင် ပြသခဲ့ခြင်း ဖြစ်ပါသည်။

Ford Motors ၏ အဆိုအရ မော်တော်ကား အများစုတွင် အစိတ်အပိုင်း ငါးထောင်မှ ခြောက်ထောင် ပါရှိပါသည်။ Strati တွင် မော်တာ၊ ဘီး၊ ထိုင်ခုံ ၊ လေကာမှန်နှင့် ကိုယ်ထည် အပါအ၀င် အစိတ်အပိုင်း ၄၉ ခုသာ ပါရှိပါသည်။ 3D Printer များဖြင့် ထုတ်လုပ်သော မော်တော်ကားများစွာ ပေါ်ထွက်ဖူးသော်လည်း Strati သည် မောင်းနှင်၍ရသော ပထမဆုံး 3D Printer ဖြင့် ထုတ်လုပ်သော ကားဖြစ်ပါသည်။ Strati ကို ၄၄ နာရီအတွင်း ထုတ်လုပ်ခဲ့ခြင်း ဖြစ်ပါသည်။
လျှပ်စစ်စွမ်းအင်သုံး မော်တော်ကား ဖြစ်ပြီး တစ်နာရီလျှင် မိုင်လေးဆယ်နှုန်းဖြင့် တစ်ခါအားသွင်းထားလျှင် မိုင် ၁၂၀ မောင်းနှင်နိုင်ပါသည်။ ၂၀၁၆ ခုနှစ်အတွင်း ဒေါ်လာ ၁၈၀၀၀ နှင့် ၃၄၀၀၀ ကြားတွင် ရောင်းချမည် ဖြစ်သည်။

Local Motors ၏ 3D Printing နည်းပညာဖြင့် ထုတ်လုပ်ထားသော Strati ကို အောက်ပါ ဗီဒီိယိုတွင် လေ့လာနိုင်ပါသည်။

http://www.youtube.com/watch?v=daioWlkH7ZI

Myanmar Digital Life Journal

Microsoft က Windows အတွက် Xbox Controller ကို ပြသ

Aung Ko Htet (MM IT Knowledge)

Microsoft က Windows အတွက် Xbox Controller နှင့် iPad အပါအ၀င် တက်ဘလက် အမျိုးအစား အားလုံးအတွက် Mouse နှင့် Keyboard များကို ပြသလိုက်ပါသည်။

Windows အတွက် Xbox Controller တွင် ကွန်ပြူတာ၊ တက်ဘလက်များနှင့် ချိတ်ဆက်ရန် USB ကြိုးပါရှိပါသည်။ ထို့အပြင် ၀င်းဒိုးအတွက် Xbox Controller သည် Xbox ဂိမ်းစက်နှင့် ကြိုး သို့မဟုတ် ကြိုးမဲ့ ဆက်သွယ်နိုင်ပါသည်။ ပလက်ဖောင်းနှစ်ခုစလုံးတွင် အသုံးပြုနိုင်သော Controller ဖြစ်ပါသည်။ Windows 7 , Windows 8, Windows 8.1 ကွန်ပြူတာများနှင့် ချိတ်ဆက် အသုံးပြုနိုင်ပါသည်။ နိုဝင်ဘာလတွင် ဒေါ်လာ ၅၉.၉၅ ဖြင့် ရောင်းချပေးမည် ဖြစ်သည်။

Microsoft က Arc Mouse ကို Bluetooth 4.0 သို့မဟုတ် Bluetooth Smart Technology ဖြင့် အဆင့်မြှင့် ထုတ်လုပ်လိုက်ပါသည်။ လက်ပုံသဏ္ဍာန်နှင့် ကိုက်ညီရန် Mouse ကို ကွေးကောက်သည့် ပုံသဏ္ဍာန် ပြုလုပ်ပေးထားပါသည်။ Mouse ကို ပြားချပ်သွားစေရန်လည်း ပြုလုပ်နိုင်ပါသည်။ AAA Battery ကို အသုံးပြုနိုင်ပြီး ကြိုးမဲ့ ဆက်သွယ်နိုင်ပါသည်။ Arc Mouse ကို Windows 8 နှင့် နောက်ပိုင်း ကွန်ပြူတာများနှင့် ချိတ်ဆက်နိုင်ပါသည်။ စက်တင်ဘာလတွင် ဒေါ်လာ ၆၉.၉၅ ဖြင့် ရောင်းချပေးမည် ဖြစ်သည်။

Android , iOS Device များအပါအ၀င် တက်ဘလက် အမျိုးအစား အားလုံးနှင့် တွဲဖက် အသုံးပြုနိုင်သော Universal Mobile Keyboard ကိုလည်း Microsoft က ရောင်းချပေးမည် ဖြစ်သည်။ Bluetooth ဆက်သွယ်မှုဖြင့် Device သုံးခုကို လျှင်မြန်စွာ ပြောင်းလဲ ချိတ်ဆက်နိုင်ပါသည်။ ကီးဘုတ်တွင် ကာဗာ ပါရှိပြီး တက်ဘလက်အတွက် Stand အဖြစ် အသုံးပြုနိုင်ပါသည်။ OS X/ iOS မှ Command Key , Android မှ Home Button တို့အပါအ၀င် ပလက်ဖောင်း တစ်ခုချင်းစီ၏ မတူညီသော ကီးများကို ကီးဘုတ်တွင် အသုံးပြုနိုင်သည်ဟု Microsoft က ပြောပါသည်။ တစ်ခါအားသွင်းထားလျှင် ခြောက်လ အသုံးပြုနိုင်ပါသည်။ အောက်တိုဘာလတွင် ဒေါ်လာ ၇၉.၉၅ ဖြင့် ရောင်းချမည် ဖြစ်သည်။

Microsoft က Wireless Mobile Mouse 3500 ကိုလည်း ထုတ်လုပ်ပေးလိုက်ပါသည်။ ဒီဇိုင်းသုံးမျိုး ထုတ်လုပ်ပေးထားပြီး စက်တင်ဘာလတွင် ဒေါ်လာ ၂၉.၉၅ ဖြင့် ရောင်းချပေးမည် ဖြစ်သည်။

Myanmar Digital Life Journal