Aung Ko Htet (MM IT Knowledge)
ပြီးခဲ့တဲ့ သတင်းပတ်ထဲကပဲ ဂျာမနီ နိုင်ငံ အခြေစိုက် ကားကုမဏီကြီးဖြစ်တဲ့ Mercedes-Benzက သူ့ရဲ့ မော်ဒယ်သစ် တစ်မျိုး ဖြစ်တဲ့ S63 AMGအမည်ရှိတဲ့ Coupeကို မိတ်ဆက်ခဲ့တာ တွေ့ရပြီးတော့ ဒီမော်ဒယ်သစ်ဟာ ဆိုရင် သွက်လက် လျင်မြန်မယ့် ဒီဇိုင်းမျိုး ချိုးဆစ်ထားတာ တွေ့ရသလို စွမ်းအင် ထုတ်လုပ်နိုင်မှုလည်း အထူးကောင်းမွန်ကာ ဘီးစုံယက် စနစ် ဖြစ်တာကြောင့် ပုံမှန် Coupeတွေထက် အမြန်နှုန်း မြှင့်တင်နိုင်မှု ကောင်းမွန်မှာ ဖြစ်သလို အလေးချိန် ပေါ့ပါးပြီး ကမ္ဘာ့ပထမဆုံး Suspension စနစ်သစ်ကို တပ်ဆင်ထုတ်လုပ်ထားတယ်လို့ သိရပါတယ်။
အင်ဂျင် အပိုင်းမှာ ၅.၅လီတာသုံး V8 Twin-Turbo အင်ဂျင်ကို တပ်ဆင်ထားတာ တွေ့ရပြီးတော့ စွမ်းအင်ထုတ်လုပ်နိုင်မှု အပိုင်းမှာ မြင်းကောင်ရေ ၅၈၅ကောင်အားထိအောင် ထုတ်လုပ်နိုင်မှာ ဖြစ်ကြောင်း သိရပါတယ်။ ဒါကြောင့် အင်ဂျင်အပ်ိုင်းမှာ အရွယ်အစား ကြီးမားတယ်လို့ ပြောနိုင်မှာ ဖြစ်ပေမယ့် ဆီစားနှုန်း အပိုင်းမှာတော့ ဆီတစ်ဂါလံကို ၂၈မိုင်ထိအောင် မောင်းနှင်နိုင်မှာ ဖြစ်တာကြောင့် တကယ်ကို ကောင်းမွန်လှပါတယ်နော်။ ကိုယ်ထည် အပိုင်းမှာ Aluminiumကို ဦးစားပေးတည်ဆောက်ထားပြီးတော့ ပုံမှန် Coupeတွေထက် အလေးချိန် ၆၅ကီလိုဂရမ်လောက် လျော့နည်းမှာလည်း ဖြစ်ပါတယ်။
အမြန်နှုန်း မြှင့်တင်မောင်းနှင်နိုင်မှု အပိုင်းမှာ တစ်နာရီ ကီလိုမီတာ ၁၀၀နှုန်းကို အချိန် ၃.၉စက္ကန့်ပဲ ယူမှာ ဖြစ်ပြီးတော့ အမြန်ဆုံး မောင်းနှင်နိုင်မှုက တစ်နာရီကို ၁၅၅မိုင်ထိအောင် ဖြစ်တာကြောင့် Jaguarရဲ့ နောက်ပိုင်းထုတ် Coupeလောက်တော့ တာမသွားပေမယ့် စံနှုန်းအပိုင်း မဆိုးလှတာ တွေ့နိုင်ပါတယ်။ ကိုယ်ထည် တည်ငြိမ်မှု ထိန်းသိမ်းတဲ့ အပိုင်းမှာ Mercedes-Benzက Active Body Control(ABC)စနစ်သစ်ကို ထည့်သွင်းတပ်ဆင်ထားပြီးတော့ Road Surface Scanလို နောက်ဆုံးပေါ် နည်းပညာကိုပါ အသုံးပြု နိုင်မှာ ဖြစ်တာကြောင့် အကောင်းဆုံး တည်ငြိ်မ်မှုနဲ့ လမ်းကြောင်းမှန်ကန်မှုကို ရရှိနိုင်မှာ ဖြစ်ပါတယ်။ ဒီမော်ဒယ်သစ်ကိုတော့ Mercedes-Benzက ရှေ့လထဲမှာ ကျင်းပပြုလုပ်သွားမယ့် New York Auto Showမှာ ထည့်သွင်းမိတ်ဆက်သွားတော့မှာ ဖြစ်ပြီးတော့ စက်တင်ဘာလနောက်ပိုင်းအတွင်း ဈေးကွက်တင်ရောင်းချသွားမှာ ဖြစ်ကာ တန်ကြေးက အမေရိကန်ဒေါ်လာ ၁၇၅၀၀၀ရှိမှာ ဖြစ်ပါတယ်။
ref: လင်းလင်း (IA)
0 comments:
Post a Comment