အကျင့်သီလနှင့် ပတ်သက်၍ ကမ္မဝါဒီတို့ အထူးသိမှတ်ထားသင့်သော အချက်နှစ်ခုရှိ၏။

Aung Ko Htet (MM IT Knowledge)

ပထမအချက်မှာ အကျင့်သီလသည် တည်ဆောက်ရာ၌ စေတနာမှန်ကန်မှုထက် အကြောင်းအကျိုး အကောင်းအဆိုး ဆင်ခြင်တိုင်းထွာ၍ သိမြင်နိုင်သော အသိဥာဏ်ရှိရန် ပိုမိုအရေးကြီး၏။ စေတနာသန့်ရှင်းသော်လည်း ဆင်ခြင်တုံးတရား ကင်းမဲ့သောအမှုသည် မိမိနှင့် သူတစ်ပါးကိုပါ အကျိုးယုတ်စေတတ်၏။ 

ဒုတိယသိမှတ်ရန်အချက်မှာ အကျင့်သီလသည် ကာလဒေသ အမျိုးမျိုး၌ ခံနိုင်ရည်ရှိသော အကျင့်သီလဖြစ်ရန် လိုအပ်၏။ တစ်နည်းဆိုသော် လူတိုင်းအနည်းအများ ကြုံတွေ့ရတတ်သော အခက်အခဲ အနှောက်အယှက် အဖျက်အဆီးနှင့် ဘဝပြဿနာ အမျိုးမျိုးကြား၌ခိုင်မြဲသော အမာခံအကျင့်သီလ တည်ဆောက်ရန် ကြိုးစားအားထုတ်ရပေမည်။

ကမ္မဝါဒီသည် အကျင့်သီလ၌ အစွဲဥပါဒါန် မရှိအပ်ချေ။ အကျင့်သီလကို စွဲမှီ၍ဖြစ်သော ဥပါဒါန်နှစ်မျိုးရှိ၏။ ပထမဥပါဒါန်မှာ သီလရှိသောသူကို နတ်သိကြားများက စောင့်ရှောက်သည်ဟူသော အယူဖြစ်၍ ဤအယူအတွက် ဗုဒ္ဓဒေသနာ အထောက်အထားမရှိချေ။။ အခြား အစွဲဥပါဒါန်မှာ တစ်ကြိမ်တစ်ခါပြုမိသော မကောင်းမှုအတွက် စိတ်နှလုံးပူပန်မှုကို ဖြစ်စေသော ဥပါဒါန်ဖြစ်၏။ ဗုဒ္ဓဟောသော ကမ္မဝါဒ အရမူကား ပထမအကြိမ် မကောင်းမှုတစ်ခု ပြုမိသောသူသည် နောင်တရ၍ ထိုမကောင်းမှုကို နောင်ရှောင်ကြဉ်ပါက အပြစ်မှလွတ်မြောက်၏။ ဗုဒ္ဓကျင့်စဉ်သည် ဤကမ္မဝါဒနှင့်အညီဖြစ်၏။ " ရဟန်းတို့ အကြင်သူသည် မိမိအပြစ်ကိုမြင်၍ အပြစ်အားလျော်စွာ ကုစား၏။ နောင်အခါ၌လည်း စောင့်စည်း၏။ ထိုကုစားခြင်း စောင့်စည်းခြင်းသည် အရိယာတို့၏ ဝိနည်းကျင့်ဝတ်၌ ကြီးပွားကြောင်းဖြစ်၏။

(နိဒါနကဿပသံယုတ်/သြဝါဒသုတ်)

ကမ္မလမ်းစဉ်၏ အဓိကဦးတည်ချက်မှာ ကျယ်ပြန့်ခိုင်မာ၍ မှတ်ကျောက်တင်ခံနိုင်သော အကျင့်သီလဖြစ်၏။ ထိုအမာခံသီလကို တည်ဆောက်ရာ၌ မိမိစိတ်ကို ဆုံးမခြင်း မိမိကိုယ်ကို စောင့်စည်းခြင်း သတိဝီရိယရှိခြင်း စဉ်းစားဆင်ခြင်ခြင်း စသော သူတော်ကောင်းတရားများကို မွေးမြူလေ့ကျင့်ရ၏။ ထိုသို့လေ့ကျင့်ရာမှ ရရှိအပ်သော စိတ်ဓာတ်ခွန်အားသည် ကမ္မဝါဒီအဖို့ အမြတ်ဆုံးဆုလာဘ်ဖြစ်၍ ဘဝသံသရာ၌ ကြီးပွားချမ်းသာမှုကို ကူညီပံ့ပိုးမည့် ကိုယ်ပိုင်ဥစ္စာဖြစ်ကြောင်း ယုံမှားစရာမရှိချေ။
----------------------------------------
ref: (ဦးအေးမောင်/ဗုဒ္ဓနှင့်ဗုဒ္ဓဝါဒ)