CCIE Lab ဖွင့်လှစ်

Aung Ko Htet (MM IT Knowledge)


Cisco \ CCIE Level ကို လေ့လာလိုသော ကျောင်းသား၊ ကျောင်းသူများအတွက် IMCS မှ CCIE Level Lab အား မေလမှစတင်အသုံးပြုခွင့် ပေးသွားမည်ဖြစ်ကြောင်း သိရသည်။ CCNA, CCNP တက်ရောက်ကြသော ကျောင်းသား၊ ကျောင်းသူများအတွက် ရည်ရွယ်ကာ Cisco Lab အား ယခင်အချိန်များစွာမှ စတင်ဖွင့်လှစ်ပေးခဲ့ပြီး လက်ရှိအချိန်တွင် ပိုမိုအဆင့်မြင့်မားသော CCIE Level လေ့လာလိုသူများအတွက် Upgrade ပြုလုပ်ခြင်းဖြစ်ကြောင်း သိရသည်။



“ကျောင်းသား၊ ကျောင်းသူတွေအတွက် ရည်ရွယ်ပြီး လုပ်ထားတာပါ။ ပြီးပြည့်စုံတဲ့ သင်ထောက်ကူပစ္စည်းတွေ ဖြစ်လာလို့ ပြင်ဆင်ခဲ့တာလည်း ဖြစ်ပါတယ်။ CCIE Level ဖြစ်လို့ NA Level, NP Level တက်ရောက်တဲ့သူတွေအတွက်ပါ အကျိုးကျေးဇူးဖြစ်စေနိုင်မှာပါ။ ပထမဆုံး CCIE Lab ဖြစ်တဲ့အတွက် လိုအပ်ချက်မရှိဖို့ အထူးဂရုစိုက်ပြီး အချိန်ယူပြင်ဆင်ထားခဲ့ပါတယ်။ နည်းပညာနယ်ပယ်မှာ လူ့စွမ်းအားအရင်းအမြစ်တွေ ဖွံ့ဖြိုးတိုးတက်လာစေဖို့နဲ့ ကျွန်တော်တို့နိုင်ငံရဲ့ Cisco နဲ့ပတ်သက်လို့ လိုအပ်ချက် ကွက်လပ်လေးတစ်ခုကို ဖြည့်ဆည်းပေးလိုက်တာပါ ” ဟု IMCS ၏ ဒါရိုက်တာဖြစ်သူ ဆရာဦးကောင်းမြတ်ပိုင်က ပြောသည်။



IMCS သင်တန်းကျောင်းမှ လက်ရှိအချိန်တွင် CCNA ရမှတ်ပြည့် ၁၀၀၀ မှတ်ဆုရှင် ၂၃ ဦး ပေါ်ထွက်ခဲ့ပြီး၊ CCIE တန်းခွဲကိုလည်း မကြာမီစတင် ဖွင့်လှစ်တော့မည်ဖြစ်ကြောင်း သိရသည်။IMCS တွင် CCNA, CCNP (Route, Switch, T-Shoot) တက်ရောက်လိုသူများအတွက် လစဉ်တန်းခွဲသစ်များကို  ဖွင့်လှစ်ပေးလျက်ရှိပြီး၊ Lab ကိုလည်း အချိန်သတ်မှတ်ကာ အသုံးပြုစေနိုင်ရန် စီစဉ်ပေးသွားမည်ဖြစ်သည်။ သင်တန်းတက်ရောက်လိုသူများအနေဖြင့် အမှတ် (၂၁/၂၃)၊ ယာ၊ ဦးထွန်းလင်းခြံလမ်း၊ လှည်းတန်းရှိ IMCS Center ၁ ဖုန်း-၀၁-၅၁၄၉၄၄၊ ၀၉- ၄၅၀၀၁၆၀၄၀ သို့ဖြစ်စေ စာရင်းပေးသွင်း တက်ရောက်နိုင်မည်ဖြစ်သည်။



ref: သန္တာ