Hand on Review

Aung Ko Htet (MM IT Knowledge)

HTC Desire 310 နှင့် တစ်ပတ်တာ

Desire 310 ဆိုတာ HTC က ထုတ်လုပ်လိုက်တဲ့ တန်ဖိုးနည်းဖုန်းတစ်လုံး ဆိုတာ မိုဘိုင်းဖုန်းတွေကို စိတ်ဝင်စားသူတိုင်း သိထားကြမယ်လို့ ထင်ပါ တယ်။ သူ့ရဲ့ ဈေးနှုန်းက ၁၅၅,၀၀၀ ကျပ်ဝန်းကျင်ပဲ ရှိပါတယ်။ ဒီဈေးနှုန်းက ဒီခေတ်မှာ လူတိုင်းနီးပါး တတ်နိုင်တဲ့အခြေအနေပါ။ ဒါပေမယ့်ဈေးကွက် ထဲမှာ တစ်သိန်းခွဲဝန်းကျင်ရှိတဲ့ စမတ်ဖုန်းတွေက အများသားလေ။ ဒီတော့ ဘယ်ဖုန်းကိုရွေးချယ်ရမလဲဆိုတာ အခက်တွေ့ တော့တာပေါ့။ Desire 310 ကို စမ်းသပ်ဖြစ်ခဲ့သမျှတော့ Desire 310 ဟာ ပေးချေလိုက်ရတဲ့
ငွေကြေးထက် ထိုက်တန်တဲ့ စွမ်းဆောင်ရည် တွေ ပေးနိုင်တဲ့ စမတ်ဖုန်း ဆိုတာ အဖြေထွက်လာပါတယ်။ Desire 310 ကိုတစ်ပတ်ကြာအောင်
လေ့လာစမ်းစစ်ခဲ့သမျှကို Techspace ပရိသတ်ကြီးဆီ ဝေမျှပေးလိုက် ပါတယ်။


 

 

အကြိုက်ဆုံးက BlinkFeed

ဒီလိုတန်ဖိုးနည်း ဖုန်းတစ်လုံးမှာ HTC ရဲ့ နာမည်ကျော် BlinkFeed Feature ကို ပေးသုံးထားတာကိုက Desire 310 ကို ဝယ်ရတာတန်နေပါပြီ။ Home Screen ဘယ်ဘက်ထောင့်ကနေ Touch ဆွဲလိုက်ရုံနဲ့ ဆွဲဆောင်မှုရှိတဲ့ BlinkFeed ကို မြင်တွေ့ရပါပြီ။ BlinkFeed မှာ ဘယ်လို သတင်းမျိုးတွေ
ဖော်ပြမလဲဆိုတာ ကိုယ်တိုင်ရွေးချယ်နိုင်ပါတယ်။ BlinkFeed မျက်နှာပြင် ထိပ်ဆုံးမှာ နေ့နဲ့ညကို ခွဲခြားဖော်ပြပေးမယ့် ရုပ်ပုံပါရှိပါတယ်။
နောက်ပြီးဖုန်းအသုံးပြုသူရဲ့ တည်နေရာနဲ့ အခန်းအပူချိန်တွေ ကိုလည်း ဖော်ပြပေးပါတယ်။ တော်တော်လေး အသုံးတည့်တဲ့ Feature လေးပါပဲ။

ဆွဲဆောင်မှုရှိတဲ့ မြန်မာဖောင့်

သူ့မှာ မြန်မာဖောင့်က Built-in ပါပြီးသားပါ။ စံမြန်မာဖောင့်ကို သုံးထားတာ
ဖြစ်ပါတယ်။ ဖောင့်ပုံစံကိုက မြင်တွေ့နေကျ ပုံစံမဟုတ်ဘဲ ဆွဲဆောင်မှု ရှိနေပါတယ်။ စာရိုက်တဲ့အခါ Message Suggestion တွေ အများကြီး ပါလာပါတယ်။ စကားစုတစ်စုကို ရိုက်မယ်ဆိုရင် အစအဆုံး ရိုက်နေစရာမလိုဘဲ Suggestion ထဲမှာ ရွေးချယ်နိုင်ပါတယ်။ ဥပမာ “အိမ်” ဆိုတဲ့စကားလုံးကို ရိုက်မယ်ဆိုရင် “အ” ရိုက်လိုက်တာနဲ့ ရွေးချယ်စရာ Suggestion တွေပေါ်လာပြီး အဲဒီမှာ ကိုယ်လိုချင်တဲ့ စကားလုံးကို
ရွေးချယ်နိုင်ပါတယ်။ မြန်မာဖောင့် Built-in ပါပြီးသားဆိုတော့ Setting တွေကအစ မြန်မာလို မြင်ရမှာပါ။ မြန်မာလိုမသုံးတတ်ဘူးဆိုရင် Setting ထဲက “ဘာသာစကားနှင့် ထည့်သွင်းမှု” ဆိုတဲ့နေရာမှာ English ကိုရွေးချယ်ကာ ပြောင်းလဲနိုင်ပါတယ်။

ကင်မရာကလည်း အထင်ကြီးစရာ

Desire 310 မှာ ပါတဲ့ နောက်ကင်မရာက 5MP ပါ။ ရုပ်ထွက်က သိပ်မဆိုးပါဘူး။ အဲဒီကင်မရာက HDR စနစ်သုံးပြီး ရိုက်ကူးနိုင်တဲ့ အပြင် မြင်ကွင်းကျယ် Panorama စနစ်၊ ရှုထောင့်ပေါင်းစုံ ရိုက်ကူးကြည့်ရှုနိုင် မယ့် Multi Angle View စနစ်၊ လှပတဲ့ရှုခင်းတွေကို အာရုံခံ ရိုက်ကူးပေးမယ့် Auto Sence Detection Mode ၊ ပြုံးနေချိန်မှာ အလိုအလျောက်ဓာတ်ပုံရိုက်ကူးမယ့် Smile Shot Mode ၊ Camera 360 သုံးပြီး ဓာတ်ပုံရိုက်ထားသလို ရုပ်ထွက်မယ့် Face Beauty Mode တွေ ပါဝင်တာကို တွေ့ရပါတယ်။ Zoom 4x အထိ ဆွဲယူရိုက်ကူးနိုင်တာကို
တွေ့ရပါတယ်။ ရိုက်ပြီးသားဓာတ်ပုံကို အလင်းအမှောင်၊ အဖြတ်အတောက်
ပြုပြင်နိုင်တဲ့အပြင် Photoshop မှာလို ပြုပြင်ခဲ့တဲ့ History ကိုလည်း
ပြန်ခေါ်နိုင်ပါတယ်။ ဒါ့ကြောင့် မူရင်းဓာတ်ပုံ ပျက်ဆီးမှုမရှိအောင် စိတ်ချလက်ချပြုပြင်နိုင်ခြင်းက အားသာချက်တစ်ခုပါ။ ရှေ့ဘက်မှာ VGA ကင်မရာကိုသာ တပ်ဆင်ထားတယ်ဆိုပေမယ့် အခြား VGA ကင်မရာတွေ ထက် ရုပ်ထွက်ကောင်းပြီး ရှင်းရှင်းလင်းလင်း ပိုမြင်ရပါတယ်။



မြန်ဆန်တဲ့ စွမ်းဆောင်ရည်

Quad-core Processor ကြောင့်လို့ ထင်ပါတယ်။ Touch သုံးရတာရော၊ ဂိမ်းဆော့ရတာရော၊ အင်တာနက်သုံးတာရောမှာပါ သွက်လက်နေ ပါတယ်။ ဂိမ်းဆိုရင်လည်း 3D ဂိမ်းလောက်အထိကို နိုင်နိုင်နင်းနင်းဆော့ကစားနိုင်တာ တွေ့ရပါတယ်။

အားသာချက်

၎.၅ လက်မမျက်နှာပြင်က အင်တာနက်သုံးရာမှာ သက်တောင့်သက်သာ ကြည့်ရှုနိုင်စေတဲ့ အရွယ်အစားမျိုးပါ။ ဖုန်းရဲ့မျက်နှာပြင် အပေါ်ဘက်မှာ တပ်ထားတဲ့ စပီကာက ဖုန်းပြောတဲ့အခါ တစ်ဖက်က ပြောတဲ့စကားသံကို ကျယ်ကျယ်လောင်လောင်နဲ့ ကြည်ကြည်လင်လင် ကြားရစေပါတယ်။

အားနည်းချက်

သူ့ရဲ့အဓိကအားနည်းချက်ကတော့ ညအမှောင်မှာ ဓာတ်ပုံရိုက်နိုင်ဖို့ LED Flash မပါဝင်ခြင်းပါပဲ။ နောက်ပြီး မျက်နှာပြင်မှာ 480 x 854 pixels Resolution လောက်ပဲ ထည့်ထားတာဆိုတော့ ဓာတ်ပုံတွေကို Zoom ဆွဲကြည့်ရင် Resolution အားနည်းတာ သိသာပါတယ်။ စပီကာအသံထွက်ကလည်း မဆိုးဘူးဆိုပေမယ့် နည်းနည်းဆူဆူညံညံ ဖြစ်နေပါတယ်။

---------------------------------------------
May Thazin (TSJ Team)